Hałoŭnaha redaktara «Jeŭraradyjo» ŭnieśli ŭ bazu ŭkrainskaha sajta «Miratvorac»
34‑hadovy kiraŭnik niezaležnaha biełaruskaha miedyja Jaŭhien Kazarcaŭ trapiŭ u čornyja ŭkrainskija śpisy.
Hałoŭny redaktar «Jeŭraradyjo» Jaŭhien Kazarcaŭ trapiŭ u bazu ŭkrainskaha centra «Miratvorac». Na partale, jaki fiksuje prykmiety złačynstvaŭ suprać nacyjanalnaj biaśpieki Ukrainy, źjaviłasia kartka ź jaho asabistymi źviestkami.
Žurnalistu zakidajuć «udzieł u aktach humanitarnaj ahresii suprać Ukrainy», raspaŭsiud rasijskaj prapahandy i manipulavańnie hramadska značnaj infarmacyjaj u intaresach Kramla.
Pretenzii da Kazarcava źviazanyja ź jaho pracaj z 2015‑ha pa 2020‑y hady na rasijskim dziaržaŭnym resursie «Sputnik».
Kazarcava vinavaciać, što ŭ svaich tahačasnych publikacyjach žurnalist paŭtaraŭ klučavyja naratyvy Kramla. Pavodle «Miratvorca», jon vypuskaŭ teksty, jakija dyskredytavali biełaruskich dobraachvotnikaŭ u zonie ATA.
U jaho artykułach na «Sputniku» znajšli kamplimientarnyja charaktarystyki Alaksandra Łukašenki jak «rodnaha prezidenta» i «baćki nacyi», admaŭleńnie palitviaźniaŭ u Biełarusi i falsifikacyj na vybarach 2016 hoda.
Sam Kazarcaŭ publična tłumačyŭ svaju pracu na «Sputniku» tym, što da 2020 hoda jon «nie asabliva byŭ śviadomy čuvak».
Što takoje sajt «Miratvorac»
Ukrainski prajekt «Miratvorac» byŭ stvorany ŭ 2014 hodzie dla daśledavańnia prykmiet złačynstvaŭ suprać nacyjanalnaj biaśpieki Ukrainy. Faktyčna jon ujaŭlaje saboj adkrytuju publičnuju bazu danych, kudy vałanciory zanosiać asabistyja źviestki ludziej, jakich padazrajuć u padtrymcy rasijskaj ahresii, supracoŭnictvie z akupacyjnymi ŭładami i hetak dalej.
Trapić u śpis «Miratvorca» davoli prosta — jaho papaŭniajuć vałanciory, i jon nie źviazany naŭprost ź dziaržaŭnymi orhanami. Tym nie mienš, traplańnie ŭ bazu «Miratvorca» časam stanovicca padstavaj dla zabarony na ŭjezd va Ukrainu, prablem ź vizami ŭ ES albo inšych jurydyčnych ci reputacyjnych prablem.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?3
Kamientary
...
akazvajecca, jak možna ŭmomant pieraabucca.. moža i Azaronak tak stanie śviadomym?