Litva padtrymlivaje ŭzmacnieńnie sankcyj suprać Biełarusi i Rasii. Pra heta zajaviŭ prezident Litvy Hitanas Naŭsieda, vystupajučy z tradycyjnym zvarotam u Siejmie.
«Naša kraina taksama nie maje namieru prajaŭlać samazaspakojenaść, kali naŭprost zakranajucca intaresy nacyjanalnaj biaśpieki. Rašuča asudžajučy ahresiŭnuju vajnu Rasii suprać Ukrainy, a taksama hibrydnyja ataki na Litvu z terytoryi Biełarusi, my ćviorda padtrymlivajem mižnarodnyja sankcyi suprać hetych krain i vystupajem za ich uzmacnieńnie», — skazaŭ jon.
«Hibrydnaja vajna suprać Litvy praciahvajecca ŭžo šmat hadoŭ, navat dziesiacihodździaŭ. Na jaje pastajanna vydzialajucca značnyja srodki. I nijakija sastupki abo dobryja namiery hetaha nie źmieniać», — adznačyŭ prezident Litvy.
«Bo jany nienavidziać nas za toje, što my aśmielvajemsia być svabodnymi i niezaležnymi. Jany nienavidziać nas za toje, što my lubim svaju svabodu i z hodnaściu karystajemsia jaje pieravahami. Jany nienavidziać nas za toje, što my sami stvarajem svoj dabrabyt, na što nie zdolnyja ŭsie aŭtakratyčnyja režymy biez vyklučeńnia. My bačym nielehalnuju mihracyju, skiravanuju suprać Litvy. My bačym pavietranyja šary kantrabandystaŭ. My bačym akty teroru i sabatažu. Kožny dzień my bačym vielizarnuju kolkaść hnievu, abureńnia, prapahandy i dezinfarmacyi, jakija raspaŭsiudžvajucca ŭ sacyjalnych sietkach biezabličnymi, biazdušnymi fejkavymi akaŭntami», — dadaŭ Naŭsieda.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami4
Kamientary