Vizavy centr Polščy admianiaje zapisy na padaču dakumientaŭ, zroblenyja ŭ pieryjad testavańnia novaj sistemy
Zapisy na padaču dakumientaŭ na polskuju vizu, zroblenyja ŭ novaj sistemie, ale da jaje aficyjnaha zapusku 8 červienia, buduć anulavanyja. Pra heta paviedamili ŭ polskim vizavym centry — kampanii VFS Global.
Nahadajem, z 8 červienia zapisvacca na padaču dakumientaŭ u vizavyja centry Polščy ŭ Biełarusi treba pa-novamu. Zajaŭnik pavinien prajści vieryfikacyju i stać u list čakańnia. Paśla źjaŭleńnia svabodnych dat jamu na elektronnuju poštu pavinna pryjści apaviaščeńnie — tady vybrać datu i čas padačy jon zmoža samastojna, piša Most.
Adnak, jak vynikaje z paviedamleńnia VFS Global, niekatorym zajaŭnikam udałosia zarehistravacca ŭ čarzie jašče da 8 červienia — padčas testavańnia sistemy. «Usie rehistracyi, vykananyja ŭ pieryjad testavańnia sistemy da jaje aficyjnaha zapusku 8 červienia 2026 hoda, buduć anulavanyja. Rehistracyi, stvoranyja padčas testavańnia funkcyjanalnaści sistemy, nie ličacca sapraŭdnymi», — havorycca ŭ paviedamleńni vizavaha centra.
Čarha budzie sfarmiravana, pačynajučy ź pieršaha zajaŭnika, paśpiachova zarehistravanaha 8 červienia.
Rašeńnie anulavać zapisy ŭ vizavym centry źviazali z «zabieśpiačeńniem sumlennaha, prazrystaha i karektnaha dostupu da sistemy dla ŭsich zajaŭnikaŭ» i vykanańniem raniej abvieščanych umoŭ zapusku.
Kamientary