U Biełarusi ŭ noč na 18 červienia mahčymyja časovyja zboi ŭ pracy bankaŭskich kartak. Bankaŭski pracesinhavy centr paviedamiŭ, što z 00:00 da 06:30 buduć pravodzicca płanavyja prafiłaktyčnyja raboty na sietkavaj infrastruktury.
U hety pieryjad u karystalnikaŭ mohuć uźniknuć ciažkaści z apłataj kuplaŭ u kramach, aptekach i na aŭtazapraŭkach, źniaćciem najaŭnych u bankamatach, a taksama vykarystańniem infakijoskaŭ i inšych servisaŭ samaabsłuhoŭvańnia.
Pieraboi mohuć zakranuć jak fizičnych asob, tak i arhanizacyi handlu i śfiery pasłuh, jakija vykarystoŭvajuć abstalavańnie Bankaŭskaha pracesinhavaha centra. Mahčymyja taksama abmiežavańni ŭ pracy niekatorych mabilnych dadatkaŭ i dystancyjnych płaciežnych servisaŭ.
Biełarusam rekamiendujuć zahadzia pakłapacicca pra najaŭnyja hrošy, asabliva tym, chto płanuje načnyja pajezdki, kupli abo inšyja płaciažy ŭ hety čas.
U Bankaŭskim pracesinhavym centry adznačyli, što raboty majuć płanavy charaktar i pravodziacca dla pavyšeńnia nadziejnaści i stabilnaści pracy płaciežnaj infrastruktury.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami10
Kamientary