Kazarcaŭ: Budu ŭ «Miratvorcy» sa Śviatłanaj Aleksijevič, Maksam Karžom i Siarhiejem Cichanoŭskim
Hałoŭny redaktar «Jeŭraradyjo» Jaŭhien Kazarcaŭ daviedaŭsia pra toje, što trapiŭ u bazu ŭkrainskaha centra «Miratvorac», dva tydni tamu. Sprabavaŭ «abhruntavać, čamu napisanaje jość chłuśnioj i manipulacyjaj, adkazu nie atrymaŭ — heta ich prava». Bolš reahavać «na vidavočnuju i, mahčyma, skaardynavanuju ataku», nie ličyć patrebnym, havoryć jon Biełaruskaj asacyjacyi žurnalistaŭ.
«Ja viedaŭ, što mianie ŭnieśli ŭ hetuju bazu, užo dva tydni tamu. Nu dadali i dadali, padumaŭ, — kamientuje BAŽ situacyju Jaŭhien Kazarcaŭ. —
Na «Miratvorcy» tekst napisany maimi dźviuma «prychilnicami», jakija ŭžo niekalki miesiacaŭ atakujuć mianie ŭsimi mahčymymi šlachami. Jany i donaram («Jeŭraradyjo») pisali, i ŭ Facebook niešta. Darečy, ja ž dziela biaśpieki pracavaŭ ananimna hetyja hady, ale jany zrabili aŭtynh, bo im vidavočna ŭsio roŭna na biaśpieku inšych».
Jaŭhien Kazarcaŭ nazyvaje paviedamleńnie na ŭkrainskim vałanciorskim partale «manipulatyŭnym»:
«Što ja pracavaŭ na «Sputniku», ja nikoli i nie chavaŭ — heta ŭ mianie ŭ Linkendin paznačana i h. d. Ale tyja spasyłki, što jany dajuć, jany pierakručvajuć. Naprykład, kali čytać pa spasyłkach, nidzie ja nie admaŭlaju isnavańnie palitviaźniaŭ. Artykuł, u jakim ja nibyta nazyvaju dobraachvotnika «nacystam» — heta intervju ź jaho siabram, jaki kaža, što takoha nikoli nie było, i cytata MUS Biełarusi. Viadoma, niepryjemna toje, što manipulacyi i pierakručvańnie faktaŭ niechta ŭsprymaje jak praŭdu i nie čytaje dalej. Ale što ž tut zrabić».
Jaŭhien Kazarcaŭ kaža, što ŭžo pačaŭ źbirać ananimnyja pytańni ŭ sietcy X, kab potym adkazvać padpisčykam.
«Ja ŭznačalvaju redakcyju «Jeŭraradyjo» ŭžo paŭtara hoda. Palityka ŚMI, jakaja palahaje ŭ poŭnaj padtrymcy Ukrainy i asudžeńni rasijskaj ahresii, anijak nie źmianiłasia. My publikavali artykuły i videa i pra dobraachvotnikaŭ, i pra rasijskija złačynstvy, i repartaž z Bučy i h. d. I tak praciahniecca. Tyja, chto zachoča razabracca, a nie prosta kidacca słovami — tyja raźbiarucca», — zaznačyŭ Jaŭhien Kazarcaŭ.
Žurnalist kaža, što sprabavaŭ kantaktavać z «Miratvorcam»:
«Kali ja daviedaŭsia, što trapiŭ u bazu (daviedaŭsia, darečy, z rasijskaha miedyja), ja napisaŭ u hety prajekt — tam jość adras, maŭlaŭ, kali vy ličycie niešta pamyłkaj, pišycie. Z cytatami z tych ža spasyłak ja abhruntavaŭ, čamu napisanaje jość chłuśnioj i manipulacyjaj. Adkazu nie atrymaŭ — heta ich prava. Niečaha inšaha rabić nie płanuju.
Kali ličać, što ja mušu być tam — budu tam razam sa Śviatłanaj Aleksijevič, Maksam Karžom i Siarhiejem Cichanoŭskim. Nie samaja kiepskaja kampanija. Uvohule reahavać na vidavočnuju i, mahčyma, skaardynavanuju ataku «dobrazyčlivic», nie liču patrebnym. I tak pracy šmat».
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami4
Kamientary