Tałončykami ŭ minskim hramadskim transparcie karystajecca 13,5% pasažyraŭ
Kolkaść amataraŭ tałončykaŭ źmianšajecca.

Zaraz tałončyk kaštuje 1 rubiel 10 kapiejek, pry prodažy kiroŭcam — 1 rubiel 15 kapiejek
Kolkaść ludziej, jakija vykarystoŭvajuć papiarovyja tałony dla apłaty prajezdu, skaraciłasia za apošnija hady da 13,5 %. Prajaznymi karystajucca 66,7 % pasažyraŭ. Takimi źviestkami padzialiŭsia hiendyrektar «Minsktransa» Kanstancin Hałałobaŭ, pišuć Minsk-naviny.
Mabilny dadatak «Apłaci» ŭstanavili i vykarystoŭvajuć 7,1 % pasažyraŭ.
U «Minsktransie» nahadali, što chutka ŭ Minsku pavinna zapracavać adzinaja centralizavanaja sistema apłaty prajezdu z dapamohaj bankaŭskich kartak. Ciapier dla hetaha zakuplajecca abstalavańnie. U testavym režymie hetuju mahčymaść zapuścili vosieńniu minułaha hoda.
Kamientary