Zbornaja Francyi pieramahła Sieniehał u pieršym matčy na mundyjali. Ale heta było nialohka
Zbornaja Francyi ŭdała startavała na čempijanacie śvietu pa futbole 2026 hoda, pieramohšy kamandu Sieniehała ŭ matčy pieršaha tura hrupy I ź likam 3:1. Sustreča adbyłasia na stadyjonie «Mietłajf» u Ist-Raterfardzie ŭ ZŠA.
Pieršy tajm zaviaršyŭsia biez zabitych hałoŭ, choć abiedźvie kamandy mieli mahčymaści vyznačycca. A adkryty byŭ lik tolki na 66‑j chvilinie: lidar francuzskaj zbornaj Kilijan Mbape atrymaŭ pieradaču ad Majkła Alise i dakładnym udaram vyvieŭ svaju kamandu napierad.
Na 82‑j chvilinie francuzy pavialičyli pieravahu. Bredli Barkała, jaki vyjšaŭ na zamienu ŭsiaho za dźvie chviliny da hetaha, zdoleŭ zabić druhi hoł i značna ŭskładniŭ zadaču dla sieniehalcaŭ.
U dadatkovy čas kamanda Sieniehała zdoleła viarnuć intryhu: na 90+ 5‑j chvilinie Ibrahim Mbaje zabiŭ miač i skaraciŭ adstavańnie da minimumu. Adnak užo praz chvilinu Kilijan Mbape znoŭ adznačyŭsia hołam, aformiŭ dubl i ŭstanaviŭ kančatkovy vynik sustrečy — 3:1 na karyść Francyi.
U 2‑m tury hrupy I francuzskaja kamanda sustreniecca ź Irakam (23 červienia), u 3‑m tury — z Narviehijaj (26 červienia). Sieniehał u 2‑m tury zhulaje z Narviehijaj (23 červienia), u 3‑m tury — ź Irakam (26 červienia).
Zornuju Ispaniju ŭ matčy suprać ścipłaha Kaba-Verde spyniŭ 40‑hadovy bramnik pa mianušcy «Babula». Voś što pra jaho viadoma
Upieršyniu ŭ historyi na čempijanatach śvietu pa futbole zhulali maci i syn
Adny ničyi. Vyniki futbolnaj nočy na mundyjali
Hroznyja ispancy nie zmahli ničoha zrabić sa zbornaj Kaba-Verde
Pierapynki «dla hidratacyi» na čempijanacie śvietu razdražniajuć nie tolki vas
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ88
Kamientary