Miesi aformiŭ chiet-tryk i staŭ najlepšym bambardziram u historyi čempijanataŭ śvietu
«Tak, ja płakaŭ paśla pieršaha hoła…».
Arhiencina pieramahła Ałžyr na čempijanacie śvietu ź likam 3:0, a Lijaniel Miesi aformiŭ chiet-tryk i staŭ najlepšym bambardziram u historyi čempijanataŭ śvietu, paŭtaryŭšy rekord Mirasłava Kłozie.
«Tak, ja płakaŭ paśla pieršaha hoła… ale heta było niešta zusim nie źviazanaje z futbołam. U mianie byli ciažkija dni, ale ja ŭdziačny ŭsioj delehacyi i maim tavaryšam pa kamandzie, tamu što jany zaŭsiody byli pobač sa mnoj i nadavali mnie siły», — skazaŭ Miesi.
38‑hadovy forvard zabiŭ hały na 17‑j chvilinie paśla pieradačy Radryha de Paŭla, na 60‑j i 76‑j chvilinach.
Miesi moh aformić pokier, adnak jaho hoł na 5‑j chvilinie byŭ skasavany praz stanovišča pa-za hulnioj.
Miesi dahnaŭ byłoha forvarda nacyjanalnaj zbornaj Hiermanii Mirasłava Kłozie pa kolkaści hałoŭ na čempijanatach śvietu — u hulca ciapier 16 miačoŭ, heta paŭtareńnie histaryčnaha rekordu pa kolkaści zabitych miačoŭ u miežach suśvietnych pieršynstvaŭ.
U Kilijana Mbape, jaki ŭčora zrabiŭ dubl, 14 miačoŭ. U Niejmara i Chary Kiejna, jakija ŭdzielničajuć u mundyjali, pa vosiem hałoŭ. Siońnia Anhlija Kiejna zhulaje z Charvatyjaj.
Nastupny matč Arhiencina praviadzie z Aŭstryjaj 22 červienia.
Siońnia Partuhalija hulaje z DR Konha (20:00), ale ŭ Kryšcijanu Ranałdu — vosiem miačoŭ na čempijanatach śvietu.
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»30
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary