Jeŭraparłamient pryniaŭ rašeńnie admianić jeŭrapiejskija pošliny na pramysłovyja tavary z ZŠA
Jeŭraparłamient u Strasburhu prahałasavaŭ 16 červienia za časovaje skasavańnie jeŭrapiejskich pošlin na pramysłovyja tavary z ZŠA. Heta rašeńnie jašče patrabuje farmalnaha zaćviardžeńnia Rady krain ES — Rada pavinna zrabić heta da 4 lipienia.
Mienavita ŭ hety dzień prezident ZŠA Donald Tramp čakaje admieny pošlin ES dla ZŠA. Płanujecca, što admiena pošlin budzie dziejničać da 31 śniežnia 2029 hoda.
Rašeńnie Jeŭraparłamienta — častka ździełki, jakuju staršynia Jeŭrakamisii Ursuła fon der Lajen i Donald Tramp zaklučyli ŭ minułym žniŭni, piša Bild.
U adkaz na admienu jeŭrapiejskich pošlin prezident ZŠA paabiacaŭ spahaniać z bolšaści tavaraŭ ź ES maksimum 15% pošlin. Adnak realizacyja ździełki zaciahnułasia na miesiacy, što vyklikała ŭ Vašynhtonie rost niezadavalnieńnia. Z-za hetaha Tramp pryhraziŭ dadatkovymi pošlinami na aŭtamabili, kali da pačatku lipienia ES nie vykanaje ŭmovu ździełki.
U adpaviednym zakonie Jeŭraparłamient taksama praduhledzieŭ ahavorku: kali Tramp parušyć pahadnieńnie i pavysić pošliny, Jeŭrakamisija sa zhody dziaržaŭ-členaŭ moža znoŭ viarnuć jeŭrapiejskija pošliny.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary