Arhanizatary Uimbłdona-2026 paćvierdzili, što ŭdzielniki hetaha prestyžnaha tenisnaha turniru pa-raniejšamu nie zmohuć pryvodzić na terytoryju spabornictvaŭ svaich chatnich hadavancaŭ, piša Championat.com.
Hetaje praviła dziejničaje ŭžo šmat hadoŭ i raspaŭsiudžvajecca jak na hledačoŭ, tak i na tenisistaŭ. Vyklučeńnie robicca tolki dla słužbovych sabak: sabak-pavadyroŭ, pamočnikaŭ dla ludziej z parušeńniami słychu abo ruchomaści, sabak, jakija dapamahajuć pry epilepsii, aŭtyźmie i inšych miedycynskich stanach.
Dyrektar Usieanhlijskaha kłuba łaŭn-tenisa i krakietu Sali Bołtan adznačyła, što heta nie novaja zabarona i jana nie pavinna stać niečakanaściu dla hulcoŭ. Navat znakamityja spartsmieny raniej sutykalisia z hetym praviłam. Tak, u 2025 hodzie lehiendarnaj tenisistcy Marcinie Naŭraciłavaj nie dazvolili zajści ŭ restaran na terytoryi Uimbłdona razam ź jaje sabakam Łułu.
Tema sabak na turnirach znoŭ stała papularnaj paśla taho, jak rasijskaja tenisistka Mira Andrejeva paśla pieramohi na «Rałan Haros» u 2026 hodzie sfatahrafavałasia z kubkam i sabakam svajoj trenierki Kančyty Marcines — maltypu pa mianušcy Łuna. Andrejeva raskazvała, što vielmi lubić sabak i była radaja padzialić hety asablivy momant z Łunaj, choć heta była nie jaje ŭłasnaja žyviolina. Svajho sabaku Resi jana pryvieźci ŭ Paryž nie zmahła.
Pieršaja rakietka śvietu, biełaruska Aryna Sabalenka taksama časta padarožničaje sa svaim ščaniukom Ešam. Na «Rałan Haros» u 2026 hodzie sabaka navat atrymaŭ ułasnuju akredytacyju na turnir.
Tenisistka pryznała, što padarožžy z žyviołaj byvajuć składanymi, asabliva praź niedachop zručnych miescaŭ dla vyhułu ŭ centrach haradoŭ, ale adznačyła, što Eš spakojny, razumny i dobra prystasoŭvajecca da novych umoŭ.
Inšyja tenisisty taksama niaredka pryjazdžajuć na spabornictvy sa svaimi ŭlubioncami. Adnak daloka nie ŭsie spartsmieny padtrymlivajuć vialikuju kolkaść žyvioł na turnirach. Amierykanskaja tenisistka Medysan Kiz raskazała pra vypadak, kali adzin z sabak zrabiŭ łužynu ŭ zonie adpačynku hulcoŭ, a haspadar nie prybraŭ za im. Jaje padtrymała inšaja amierykanka Dezire Kraŭčyk, jakaja taksama lubić sabak, ale ličyć, što ŭładalniki pavinny bolš adkazna sačyć za pavodzinami svaich hadavancaŭ.
Uimbłdon-2026 projdzie z 29 červienia pa 12 lipienia.
Sabalenka pachvaliłasia akredytacyjaj na «Rałan Haros» dla svajho sabaki
Aryna Sabalenka pakazała svajho novaha chatniaha hadavanca FOTY
U Sabalenki źmienšyŭsia adryŭ u suśvietnym rejtynhu
Sabalenka raskazała, ci budzie mianiać proźvišča paśla viasiella
Sabalenka adkazała na paproki, što jana, usia ŭ bryljantach, patrabuje padvysić pryzavyja
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary