21‑hadovaha chłopca sa Śvietłahorska pasadzili za palityku. Chłopiec žyŭ u dzietdomie, a niadaŭna sam staŭ baćkam
Zachar Papušoj sa Śvietłahorska pajšoŭ pad sud pa šerahu palityčnych artykułaŭ.
Zachar Papušoj naradziŭsia 21 lutaha 2005 hoda. U rodnym Śvietłahorsku jon byŭ vychavancam niadzielnaj škoły pry sabory Piatra i Paŭła. U lipieni 2018 hoda chłopiec paśpiachova skončyŭ kadeckija kłasy ŭ rodnym horadzie, paśla čaho pastupiŭ u ahulnavajskovaje kadeckaje vučylišča ŭ Homieli.
Zachar taksama futbolny fanat, raniej byŭ zaŭziataram miascovaha kłuba «Chimik».
Nieviadoma, što zdaryłasia ŭ siamji, ale chłopčyk sustreŭ paŭnalećcie ŭ dziciačym domie.
Apošnija hady Zachar žyŭ u Minsku. Jon małady, ale paśpieŭ užo stvaryć siamju — viadoma, što chłopiec žanaty i haduje syna.
Zachara zatrymali letaś. U hetym hodzie chłopca asudzili ŭ Minskim haradskim sudzie adrazu pa troch kryminalnych artykułach, jakija vykarystoŭvajucca ŭ Biełarusi dla palityčnych represij: č. 1 art. 130 (raspalvańnie varožaści), č. 3 art. 361‑1 (udzieł u ekstremisckim farmiravańni) i č. 1 art. 130‑1 KK Biełarusi (reabilitacyja nacyzmu).
Sutnaść abvinavačańnia, jak i prysud, nieviadomyja, ale maładoha baćku adpravili ŭ kałoniju.
«Naša Niva» — bastyjon biełaruščyny
PADTRYMAĆCiapier čytajuć
Kala płoščy Banhałor u Minsku vyras jašče adzin zvyšsakretny abjekt15
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary