Lidary krain G7 damovilisia pavialičyć pastaŭki Ukrainie sistem SPA i rakiet-pierachopnikaŭ
Taksama jany zajavili pra hatoŭnaść razhledzieć mahčymaść pradastaŭleńnia licenzij na ich vytvorčaść niepasredna va Ukrainie.
Akramia taho, lidary pahadzilisia akazać padtrymku dla ŭmacavańnia enierhietyčnaj ustojlivaści Ukrainy pierad nastupnaj zimoj. Taksama G7 abaviazałasia ŭzmacnić cisk na rasijskuju vajennuju ekanomiku šlacham pašyreńnia sankcyj suprać naftavaha i hazavaha siektaraŭ Rasii, piša «Ukrainskaja praŭda».
U zajavie lidary «Siamiorki» paćvierdzili niepachisnuju salidarnaść z ukrainskim narodam na fonie sistematyčnych rasijskich udaraŭ pa krytyčnaj infrastruktury i abjektach kulturnaj spadčyny. Jany vysoka acanili stojkaść Ukrainy i pośpiechi Sił abarony na poli boju na praciahu apošnich miesiacaŭ.
«Z metaj padtrymki i paskareńnia hetaha novaha impulsu my damovilisia pavialičyć pastaŭki srodkaŭ supraćpavietranaj abarony, dadatkovych sistem i rakiet-pierachopnikaŭ, a taksama srodkaŭ dalokaha radyusu dziejańnia. My taksama hatovy razhledzieć mahčymaść pradastaŭleńnia Ukrainie adpaviednych licenzij, kab sadziejničać pavieličeńniu abjomaŭ vajennaj vytvorčaści va Ukrainie», — havorycca ŭ zajavie.
Kamientary
Dla hetaha treba było čakać abstrełaŭ chramaŭ i kinastudyi? A raniej nielha było dać?