U minskim restaranie butelku francuzskaha vina prapanujuć pa canie kvatery ŭ niekatorych rajcentrach
Žycharka Minska apublikavała ŭ Threads fatahrafiju vinnaj karty adnaho sa staličnych restaranaŭ. Karystalnikaŭ ździviła piaciznačnaja cana ŭ mieniu: butelka francuzskaha Petrus 2007 hoda kaštuje 24,3 tysiačy rubloŭ, piša vydańnie Smartpress.
Pry hetym u restaranie jość i jašče adno vielmi darahoje francuzskaje vino — Domaine de la Romanée-Conti Echezeaux Grand Cru 2008 hoda. Jaho prapanujuć za 22,7 tysiačy rubloŭ, što krychu tańniej za Petrus.
Petrus 2007 — kalekcyjnaje vino z Pamierola na pravym bierazie Bardo i adno z samych viadomych imionaŭ u śviecie vina. Vinahrad dla jaho vyroščvajuć na nievialikim učastku z charakternymi błakitnymi hlinami. Vintaž 2007 hoda ličycca nie samym lehiendarnym dla Petrus, ale cenicca za elehantnaść i bolš strymany charaktar. U jaho vodary i smaku možna adčuć čornyja višni, ažyny, ślivy, trufieli, kiedr, tytuń i śpiecyi.
Rynačny košt takoj butelki značna nižejšy za restaranny. Jeŭrapiejskija pradaŭcy prapanujuć Petrus 2007 prykładna pa 2880 jeŭra, abo kala 10 tysiač rubloŭ. Na aŭkcyjonie Sotheby's u 2024 hodzie takuju butelku aceńvali ŭ 1800—2400 jeŭra.
Takim čynam, aryjentacyjny rynkavy košt składaje kala 2—3 tysiač jeŭra, choć kančatkovaja suma zaležyć ad pachodžańnia butelki, umoŭ jaje zachoŭvańnia i stanu etykietki.
Atrymlivajecca, što minski restaran pradaje vino bolš čym udvaja daražej za jaho aryjentacyjny rynkavy košt. Dla redkich kalekcyjnych vinaŭ vysokaja restarannaja nacenka nie źjaŭlajecca čymści niezvyčajnym, adnak dla minskaha mieniu takaja cana ŭsio adno vyhladaje vielmi ŭražliva.
24,3 tysiačy rubloŭ — heta ŭžo suma, za jakuju ŭ niekatorych biełaruskich rajcentrach možna nabyć žyllo. Praŭda, havorka idzie pieravažna pra nietypovyja varyjanty. Naprykład, u Słucku prapanoŭvali trochpakajovuju kvateru płoščaj 38,9 kvadratnaha mietra ŭ błakiravanym žyłym domie za 16,3 tysiačy rubloŭ.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1515
Kamientary