Elektrakar Ferrari pradali z aŭkcyjona za rekordnyja 40 miljonaŭ dalaraŭ
Ekskluziŭny elektryčny supierkar Ferrari Luce «Chassis 0» pradali na aŭkcyjonie RM Sotheby’s padčas aŭtamabilnaha tydnia ŭ amierykanskim Manterei, što ŭ štacie Kalifornija, za rekordnyja 40 miljonaŭ dalaraŭ, paviedamlaje Bi-bi-si.
Pačatkovaja cana aŭtamabila składała kala 1,1 miljona dalaraŭ, adnak u vyniku łota jaje pieravysili prykładna ŭ 36 razoŭ. Usie srodki, atrymanyja ad prodažu, praz Fond Ferrari nakirujuć na dabračynnyja mety. U pryvatnaści, hrošy pojduć na raźvićcio prajektaŭ techničnaj adukacyi ŭ Italii i ZŠA.
Kupcom staŭ amierykanski vynachodnik, pradprymalnik i miljarder Hierbiert «Chierbi» Viertchajm. Heta ŭžo nie pieršy ŭnikalny Ferrari ŭ jaho kalekcyi. U minułym hodzie jon nabyŭ Ferrari Daytona SP3 Tailor Made za 26 miljonaŭ dalaraŭ. Hrošy ad taho prodažu taksama byli pieradadzienyja na dabračynnaść.
Ferrari Luce — najnoŭšaja madel italjanskaha brenda, jakaja pavinna stać pačatkam novaj ery dla kampanii ŭ halinie elektramabilaŭ. Elektryčnaja ŭstanoŭka supierkara raźvivaje mahutnaść 1050 konskich sił.
Aŭtamabil z numaram šasi «0» śpiecyjalna padrychtavali dla dabračynnaha aŭkcyjonu. Jon atrymaŭ unikalnuju matavuju afarboŭku kuzava i ekskluziŭny sałon z azdableńniem mietalizavanaj skuraj.
Ciapier čytajuć
Što viadoma pra viciebčuka, jakoha vinavaciać u sprobie padryvu samalota ŭ Hiermanii12
Kamientary