Samuju darahuju kvateru ŭ Minsku ŭ mai pradali za 690 tysiač dalaraŭ
Žyllo znachodzicca ŭ domie z doŭhaj historyjaj. Havorka idzie pra žyły kompleks «Pory hoda» ŭ centry Minska kala «Haryzonta», jaki da atrymańnia statusu elitnaha paśpieŭ pabyvać skandalnym daŭhabudam.
Budaŭnictva doma pačałosia ŭ 2004 hodzie, adnak užo praź niekalki hadoŭ jaho zamarozili. Biznesmiena Siarhieja Dziemčuka abvinavacili ŭ machlarstvie i prysudzili da 8 hadoŭ pazbaŭleńnia voli va ŭmovach uzmocnienaha režymu z kanfiskacyjaj majomaści.
Budaŭnictva doma, nie bieź finansavaj dapamohi dolščykaŭ, praciahnuŭ Minharvykankam. U ekspłuatacyju dom ŭviali tolki ŭ 2016 hodzie, piša Realt.by.
Niahledziačy na składanuju historyju, dom usio roŭna atrymaŭsia asablivym. Jon maje vydatnaje raźmiaščeńnie, ułasnuju zakrytuju terytoryju i premijalnaje ŭnutranaje azdableńnie. Tamu kvatery ŭ hetym domie nie ŭpieršyniu traplajuć u rejtynhi samych darahich ździełak.
Tak, samaj darahoj kvateraj, pradadzienaj u mai ŭ Biełarusi, stała žyllo płoščaj 189 kvadratnych mietraŭ. Pavodle dakumientaŭ heta dvuchpakajovaja kvatera. Žyllo pobač z Asmałoŭkaj i Nacyjanalnym akademičnym Vialikim teatram opiery i baleta Biełarusi pradali za 690 tysiač dalaraŭ. Takim čynam, adzin kvadratny mietr abyšoŭsia pakupniku ŭ 3651 dalar.
Adznačym, što ŭ pieršyja hady budaŭnictva (u 2004 hodzie) kvatery tut pradavalisia pa 2500—3500 dołaraŭ za kvadratny mietr, a paśla zamarožvańnia budoŭli vystaŭlalisia na aŭkcyjonach užo pa 1100—1300 dalaraŭ za mietr.
Darečy, ciapier u hetym žyłym kompleksie pradajecca adrazu šeść kvater. Samaja dastupnaja prapanova — čatyrochpakajovaja kvatera biez azdableńnia za 380 tysiač dalaraŭ, a taksama ŭ prodažy jość aŭtarskija apartamienty koštam 3,1 miljona dołaraŭ.
Ciapier čytajuć
Biełaruska raspačała čelendž «40 spatkańniaŭ», ale ŭžo na siaredzinie nie chavaje rasčaravańnia ŭ mužčynach32
Kamientary