Pakul pieršaja siensacyja mundyjalu: Aŭstralija pieramahła Turcyju
Pakul samy vohnienny matč čempijanatu.
Na 27‑j chvilinie lik adkryŭ uradženiec Tanzanii Niestary Irankunda — rychtyk brazilec Vinisijus Žunijor, dy jašče ŭ žoŭta-zialonaj formie.
Irankunda hulaje za «Uotfard» z druhoha anhlijskaha dyvizijona, jaki ŭ svoj čas kupiŭ i byŭ dyrektaram ser Ełtan Džon.
Potym Turcyja 60 chvilin atakavała varoty Aŭstralii, tyja mužna i tałkova adbivalisia, a najbolš hierojstvavaŭ hałkipier «Mielburna» Patryk Bič.
A na 75‑j chvilinie adbyłasia kontrataka «sokieruz», i Konar Mietkałf z «Sankt-Paŭli», što pakidaje Bundeślihu, z 25 mietraŭ paceliŭ u varožuju bramu — 2:0.
U nastupnym tury ŭ hetaj hrupie 19 červienia zhulajuć Aŭstralija z ZŠA, a Turcyja z Parahvajem 20 červienia.
Nahadajem, što ŭčora ZŠA z bujnym likam vyjhrali ŭ Parahvaja 4:1.
Siońnia na čempijanacie śvietu projduć jašče dva matčy: Hiermanija — Kiurasaa (20:00) i Niderłandy — Japonija (23:00).
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary
Čamu nie siensacyja?
Jany prosta ciapier pamianialisia miescami.
Čampijanat śvietu - heta jeŭrapiejski futboł.
Turki bolšaść hulcoŭ ź jeŭrapiejskich akademij, pałovu naradzilisia i vyraśli ŭ Jeŭropie.
Toje ž Maroka, usie hulcy - vychavancy jeŭrapiejskaha futbołu, i akramia 2, navat naradzilisia ŭ Jeŭropie. I tak amal usia Afryka, akramia PAR. Kiurasaa - heta druhaja kamanda Niderłandaŭ, tam nikoha z Kiurasaa niama.
Heta ciapier taki ž biznes, jak i kłubny futboł. Prosta handal ściahami z boku nacyjanalnych fiedieracyj, kab atrymlivać hrošy ad turniraŭ. Oj, tvoj dziadula žyŭ na Aruby, a ciabie nie kličuć u Hałandyju? Chadzi da nas.
Brazilcy skardziacca, što ŭ kamandu nie bieruć chatnich uzychodziačych zoračak, a tolki hulcoŭ jakija viadomyja pa karjery ŭ Jeŭropie.
Chiba voś u Aŭstralii i ZŠA jašče jość hulcy, jakija hulajuć doma i mohuć niejak vyklikać tam pačućci ab svajoj sistemie vychavańnia.