Pakul heta samy vynikovy matč na čempijanacie śvietu — vosiem miačoŭ.
Niemcy zabili na 6‑j chvilinie: vyznačyŭsia Fieliks Nmieča, praz 13 chvilin Livana Kamieniensija lik zraŭniaŭ, Kiurasaa trymałasia niedzie chviliny da 38-j, a potym papłyło. Šłoterbierh, Chavierc ź pienalci, Musiała, Braŭn, Undau, znoŭ Chavierc. U vyniku 7:1.
Pierad hetym samaj vynikovaj hulnioj była ZŠA — Parahvaj.
Kiurasaa — nievialičkaja vyspa ŭ Karybskim mory z nasielnictvam 155 tysiač čałaviek. Samakiravanaje terytaryjalnaje ŭtvareńnie ŭ składzie Niderłandaŭ. Vostraŭ maje šyrokuju aŭtanomiju: ułasny ŭrad, parłamient, kanstytucyju i zakanadaŭstva, ale za źniešniuju palityku i abaronu adkazvajuć Niderłandy. Ale źjaŭlajecca členam FIFA, jak Hibrałtar ci Farerskija vyspy.
Dla Kiurasaa heta debiut na mundyjali, jakoje trapiła na jaho dziakujučy tamu, što ZŠA, Kanada i Mieksika atrymali pramyja pucioŭki jak haspadary, ale Kiurasaa trapiła na čempijanat, a Handuras, Hvatemała i Kosta-Ryka — nie.
Zvyčajna ad Paŭnočnaj i Centralnaj Amieryki na mundyjal napramuju vychodzili čatyry zbornyja, a zbornaja, što zajmała 4‑ie miesca, adpraŭlałasia ŭ stykavyja mižkantynientalnyja matčy.
U startavym składzie zbornuju Kiurasaa siońnia pradstaŭlali try hulcy z vyšejšaha dyvizijona Niderłandaŭ, adzin z druhoha dyvizijona, dva hulcy z anhlijskaha čempijonšypa (druhoha dyvizijona), adzin z tureckaj Supierlihi, kapitan Leandra Bakuna z «Yhdyra» z tureckaha druhoha dyvizijona, dva hulcy z «Majami» z amierykanskaha druhoha dyvizijona (nie błytać z «Inter Majami» Lijaniela Miesi). Kamieniensija, što zabiŭ hoł, sa šviejcarskaha «Ciurycha».
U hetaj hrupie taksama hulajuć Kot dJIvuar i Ekvador (matč a 2-nočy).
Siońnia a 23‑j — Niderłandy — Japonija, zaŭtra: Ispanija — Kaba-Vierde (19:00), Bielhija — Jehipiet (22:00)
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu8
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary
A čamu Nataniel Braŭn nia moža hrać za niemcaŭ? Jon naradziŭsia i vyras u Bavaryi. Adukavany ŭ Bavaryi na hrošy bavarcaŭ. U ZŠA mo i nia byŭ dahetul. Voś vyjšaŭ na radzimie baćki: hoł + pieradača.
Usie hulcy Kiurasaa naradzilisia i vyraśli ŭ kantynientalnych Niderłandach u Jeŭropie. 10 ź ich uvajšli ŭ skład kamandy pa zaprašeńniu Advakaata ŭ apošnija paru hadoŭ. Sontje Chansan usiaho paŭhady tamu, kali zamajačyŭ realny šaniec trapić na turnir.
Ale heta nie rekord. Hieroj učorašniaj hulni suprać Brazilii - Ajiub Buadździ - jašče ŭ sakaviku hulaŭ za maładziovuju Francyju. A marakancam staŭ 1 miesiac tamu.
Čamu Jeŭropa musić vydatkoŭvać srodki na adukacyju ludziej, a inšyja krainy potym prypisvajuć sabie ich pośpiechi? Chaj płaciać, jak kłuby za pravy na kantrakt.