Паводле інфармацыі выдання Axios, Дональд Трамп разглядае магчымасць узяць пад кантроль іранскі востраў Харк — ключавы пункт, праз які праходзіць каля 90% экспарту іранскай нафты. Гэта разглядаецца як адзін з варыянтаў ціску на Іран, каб аслабіць яго ўладу і дамагчыся разблакавання Армузскага праліва.
Сярод магчымых сцэнарыяў — як непасрэдная ваенная аперацыя з высадкай войскаў на востраве, так і марская блакада, каб не дапускаць туды танкеры. Канчатковае рашэнне пакуль не прынята, але ўлады ЗША ўжо абмяркоўваюць юрыдычныя і вайсковыя аспекты такіх дзеянняў.
«Прэзідэнт хоча, каб праліў быў адкрыты. Калі для гэтага яму прыйдзецца захапіць востраў Харк, гэта адбудзецца. Калі ён вырашыць ажыццявіць высадку на ўзбярэжжы, гэта таксама адбудзецца. Але рашэнне яшчэ не прынята», — заявіў Axios высокапастаўлены чыноўнік у адміністрацыі Трампа.
Адзначаецца, што перад магчымай высадкай амерыканскія сілы імкнуцца максімальна аслабіць вайсковыя магчымасці Ірана ў гэтым рэгіёне, каб зменшыць рызыкі для сваіх войскаў.
Раней ЗША ўжо наносілі ўдары па вайсковых аб’ектах на востраве, знішчыўшы іх, але не закрануўшы нафтавую інфраструктуру. Гэтыя дзеянні разглядаюцца як папярэджанне Ірану і адначасова падрыхтоўка да магчымай далейшай аперацыі.
Сам Трамп заяўляў, што ЗША пры жаданні могуць хутка знішчыць востраў, але пры гэтым адзначаў, што не паведамляе адкрыта пра магчымыя планы па накіраванні войскаў.
Таксама паведамляецца, што ЗША ўзмацняюць сваю вайсковую прысутнасць у рэгіёне: у найбліжэйшы час туды могуць быць перакінутыя дадатковыя сілы марской пяхоты, караблі і тэхніка, у тым ліку знішчальнікі F-35.
ЗША паскорылі перакідку дэсантных караблёў і тысяч марскіх пехацінцаў для магчымай высадкі ў Іране
Міністр замежных спраў Ірана: Армузскі праліў закрыты толькі для ворагаў, астатнія могуць праходзіць
ЗША атакавалі востраў Харк у Персідскім заліве. Праз яго праходзіць 90% іранскага экспарту нафты
Падчас бамбардзіровак Ірана амерыканцы не кранаюць маленькі востраў — галоўную нафтавую артэрыю. Чаму?
Цяпер чытаюць
«Сіл няма, рэсурсаў няма, усе стаміліся». Лукашэнка заявіў, што вайна ва Украіне ў найбліжэйшыя месяцы будзе скончаная13
Каментары