У лістападзе гадавая інфляцыя ў Беларусі вырасла да 7%. Месяцам раней яна ўпершыню з красавіка спусцілася ніжэй за гэтую адзнаку, паведамляе Белстат.
У ліпені гадавая інфляцыя дасягнула пікавых у гэтым годзе 7,4%, але затым у жніўні знізілася да 7,2%, у верасні — да 7,1%, а ў кастрычніку — і ўвогуле да 6,9%, піша Office Life.
У лістападзе ў параўнанні з кастрычнікам цэны выраслі на 0,4%, а да снежня 2024‑га — на 6,5%.
У лістападзе гадавая інфляцыя харчовых таварах дасягнула 9,9%. Месяцам раней гэты паказчык быў 9,8%. За лістапад цэны выраслі на 0,8%.
Інфляцыя нехарчовых тавараў павялічылася з 2,5 да 2,6%. За месяц цэны дадалі 0,02%.
Што да паслуг, тут паказчык гадавой інфляцыі таксама вырас — з 7,6 да 7,7%. За месяц — плюс 0,1%.
Паводле звестак Нацбанка, базавая гадавая інфляцыя далей зніжаецца. У верасні яна была 7,5%, у кастрычніку зменшылася да 7,1%, а за лістапад зафіксавалі 7%.
У той жа час сезонныя цэны на гародніну і садавіну паказалі значны рост. Так, у верасні было 7,6% у параўнанні з аналагічным перыядам мінулага года, у кастрычніку — ужо 10,1%, а ў лістападзе — і ўвогуле 12,7%.
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна12
Каментары