Пра гэта ён напісаў у сацсетках.
«Усім авіякампаніям, пілотам, наркагандлярам і гандлярам людзьмі, калі ласка, улічыце, што паветраная прастора над Венесуэлай і вакол будзе цалкам закрытая. Дзякуй вам за ўвагу да гэтага пытання!», — напісаў прэзідэнт ЗША ў сваёй сацсетцы.
Апошнім часам над прэзідэнтам Венесуэлы Нікаласам Мадура згусціліся хмары. ЗША нарасцілі групоўку ля берагоў Венесуэлы для барацьбы з наркакартэлямі. На думку Вашынгтона, вялікая колькасць наркотыкаў у Злучаныя Штаты трапляе з Венесуэлы.
Таксама Дональд Трамп ухваліў падрыхтоўку сакрэтных дзеянняў ЦРУ ўнутры Венесуэлы, якія могуць прывесці да маштабнай вайсковай кампаніі.
ЦРУ атрымала санкцыю на правядзенне аперацый, што ўключаюць дыверсіі, кібер- і псіхалагічнае ўздзеянне з мэтай «падрыхтаваць поле бою». Вайскоўцы ж паралельна прапрацоўваюць варыянты дакладных удараў па аб’ектах, звязаных з наркатрафікам, і па ахове Мадура. Сярод працоўных сцэнароў — захоп нафтавых радовішчаў Венесуэлы, а таксама захоп або ліквідацыя Мадура.
Пры гэтым Трамп адначасова ініцыяваў закрытыя перамовы з Мадура. Паводле слоў суразмоўцаў газеты, венесуэльскі лідар паведаміў, што гатовы пайсці ў адстаўку пасля двух-трохгадовага пераходнага перыяду. Белы дом адмовіўся разглядаць такую адтэрміноўку, але дыпламатычны шлях выхаду з сітуацыі цалкам не выключаны.
Цяпер чытаюць
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай9
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1515
Каментары
Цяперака паглядзім, як яно там, з лаяльнасцю наркакартэля ў пагонах.