Pra heta jon napisaŭ u sacsietkach.
«Usim avijakampanijam, piłotam, narkahandlaram i handlaram ludźmi, kali łaska, uličycie, što pavietranaja prastora nad Vieniesuełaj i vakoł budzie całkam zakrytaja. Dziakuj vam za ŭvahu da hetaha pytańnia!», — napisaŭ prezident ZŠA ŭ svajoj sacsietcy.
Apošnim časam nad prezidentam Vieniesueły Nikałasam Madura zhuścilisia chmary. ZŠA naraścili hrupoŭku la bierahoŭ Vieniesueły dla baraćby z narkakartelami. Na dumku Vašynhtona, vialikaja kolkaść narkotykaŭ u Złučanyja Štaty traplaje ź Vieniesueły.
Taksama Donald Tramp uchvaliŭ padrychtoŭku sakretnych dziejańniaŭ CRU ŭnutry Vieniesueły, jakija mohuć pryvieści da maštabnaj vajskovaj kampanii.
CRU atrymała sankcyju na praviadzieńnie apieracyj, što ŭklučajuć dyviersii, kibier- i psichałahičnaje ŭździejańnie z metaj «padrychtavać pole boju». Vajskoŭcy ž paralelna prapracoŭvajuć varyjanty dakładnych udaraŭ pa abjektach, źviazanych z narkatrafikam, i pa achovie Madura. Siarod pracoŭnych scenaroŭ — zachop naftavych radoviščaŭ Vieniesueły, a taksama zachop abo likvidacyja Madura.
Pry hetym Tramp adnačasova inicyjavaŭ zakrytyja pieramovy z Madura. Pavodle słoŭ surazmoŭcaŭ haziety, vieniesuelski lidar paviedamiŭ, što hatovy pajści ŭ adstaŭku paśla dvuch-trochhadovaha pierachodnaha pieryjadu. Bieły dom admoviŭsia razhladać takuju adterminoŭku, ale dypłamatyčny šlach vychadu ź situacyi całkam nie vyklučany.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»8
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary
Ciapieraka pahladzim, jak jano tam, z łajalnaściu narkakartela ŭ pahonach.