Трамп загадаў пафарбаваць сцяну на мяжы з Мексікай у чорны колер, каб яна больш награвалася
Праз гэта, лічыць прэзідэнт ЗША, пералезці сцяну будзе складаней.
Сцяну на мяжы Мексікі і ЗША пафарбуюць у чорны колер, паведаміла міністарка ўнутранай бяспекі Крысці Ноэм. Гэта будзе зроблена па загадзе прэзідэнта ЗША Дональда Трампа.
«Мы збіраемся пафарбаваць усю сцяну на паўднёвай мяжы ў чорны колер, каб заахвоціць людзей не станавіцца нелегаламі і парушаць законы, а выконваць іх і прыязджаць у нашу краіну легальным шляхам. Так яны змогуць застацца, стаць грамадзянамі Злучаных Штатаў і ажыццявіць сваю амерыканскую мару», — цытуе яе Fox News.
Ноэм высока ацаніла «адзін вялікі, прыгожы законапраект», які быў прыняты ў ЗША ў ліпені. Згодна яму будзе вылучана «неверагодная колькасць рэсурсаў», якія, паводле слоў міністаркі, «дазволяць ім працягнуць будаўніцтва» сцяны.
Будаўніцтва сцяны на мяжы Мексікі і ЗША прасоўваецца з хуткасцю каля паўмілі ў дзень. Акрамя дадатковай сцяны і новай афарбоўкі адміністрацыя таксама інвесціруе ў тэхналогіі, камеры, датчыкі і водную інфраструктуру, якія, паводле слоў чыноўніцы, забяспечаць бяспеку мяжы «у далёкай будучыні, а таксама яе эфектыўнасць».
Цяпер чытаюць
Арыштавалі прадстаўнікоў кампаніі Bayer у Беларусі14
Каментары
Амерыканцы: - А сцяну навошта?
Трамп: - Каб лепей награвалася. Больш пытанняў няма?