Tramp zahadaŭ pafarbavać ścianu na miažy ź Mieksikaj u čorny koler, kab jana bolš nahravałasia
Praz heta, ličyć prezident ZŠA, pieraleźci ścianu budzie składaniej.
Ścianu na miažy Mieksiki i ZŠA pafarbujuć u čorny koler, paviedamiła ministarka ŭnutranaj biaśpieki Kryści Noem. Heta budzie zroblena pa zahadzie prezidenta ZŠA Donalda Trampa.
«My źbirajemsia pafarbavać usiu ścianu na paŭdniovaj miažy ŭ čorny koler, kab zaachvocić ludziej nie stanavicca nielehałami i parušać zakony, a vykonvać ich i pryjazdžać u našu krainu lehalnym šlacham. Tak jany zmohuć zastacca, stać hramadzianami Złučanych Štataŭ i ažyćciavić svaju amierykanskuju maru», — cytuje jaje Fox News.
Noem vysoka acaniła «adzin vialiki, pryhožy zakonaprajekt», jaki byŭ pryniaty ŭ ZŠA ŭ lipieni. Zhodna jamu budzie vyłučana «nievierahodnaja kolkaść resursaŭ», jakija, pavodle słoŭ ministarki, «dazvolać im praciahnuć budaŭnictva» ściany.
Budaŭnictva ściany na miažy Mieksiki i ZŠA prasoŭvajecca z chutkaściu kala paŭmili ŭ dzień. Akramia dadatkovaj ściany i novaj afarboŭki administracyja taksama invieściruje ŭ technałohii, kamiery, datčyki i vodnuju infrastrukturu, jakija, pavodle słoŭ čynoŭnicy, zabiaśpiečać biaśpieku miažy «u dalokaj budučyni, a taksama jaje efiektyŭnaść».
Kamientary
Amierykancy: - A ścianu navošta?
Tramp: - Kab lepiej nahravałasia. Bolš pytańniaŭ niama?