Пытанне аб літоўскіх нацыянальных санкцыях супраць Беларусі і Расіі разгледзяць на наступным тыдні
Літоўскі Сейм 12 чэрвеня вырашыў не разглядаць пытанне ўвядзення нацыянальных эканамічных санкцый супраць Расіі і Беларусі. Аднак, на думку міністра замежных спраў Кястуціса Будрыса, гэта, хутчэй за ўсё, адбылося з-за тэхнічных прычын, а сам законапраект будзе прадстаўлены на разгляд на наступным пленарным пасяджэнні, піша Delfi.lt.
Згодна з прапанаванымі зменамі, урад Літвы мог бы складаць спісы асоб і кампаній з Расіі і Беларусі, да якіх будуць прымяняцца санкцыі — напрыклад, замарожванне маёмасці ці абмежаванні ў пэўных сектарах. Гэта будзе тычыцца тых, хто падтрымлівае вайну супраць Украіны ці ўдзельнічае ў рэпрэсіях супраць грамадзянскай супольнасці. У законе прадугледжаныя выключэнні, калі сродкі ідуць на ежу, медыцыну ці іншыя жыццёва важныя патрэбы.
Таксама прапануецца забараніць імпарт і экспарт пэўных тэхналогій і праграмнага забеспячэння, якія могуць выкарыстоўвацца ў вайсковых мэтах.
Упершыню нацыянальныя санкцыі Літвы былі прынятыя ў 2023 годзе, а ў красавіку 2025-га іх дзеянне было працягнута яшчэ на год. Акрамя таго, пастрожаныя правілы выдачы віз і дазволаў на жыхарства для грамадзян Расіі і Беларусі, а таксама абмежаваны іх пераход праз знешнія межы ЕС.
Цяпер чытаюць
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай17
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары