Прэзідэнт ЗША Дональд Трамп прыняў рашэнне працягнуць на чарговы год рэжым нацыянальнай надзвычайнай сітуацыі ў дачыненні да Беларусі. Пра гэта паведамляецца ў дакуменце, апублікаваным у Федэральным рэестры ЗША. Новы тэрмін пачынаецца з 16 чэрвеня.
У паведамленні адзначаецца, што дзеянні ўладаў Беларусі і асобных чыноўнікаў, а таксама шматгадовыя парушэнні правоў чалавека і іншыя недэмакратычныя практыкі працягваюць уяўляць сур’ёзную пагрозу для нацыянальнай бяспекі і знешняй палітыкі Злучаных Штатаў.
Гэты рэжым быў уведзены яшчэ ў 2006 годзе прэзідэнтам Джорджам Бушам-малодшым пасля арышту і зняволення апазіцыйнага кандыдата ў прэзідэнты Аляксандра Казуліна. З тых часоў указ №13405, які прадугледжвае блакіроўку маёмасці асобаў, што падрываюць дэмакратычныя працэсы ў Беларусі, штогод падаўжаецца.
У 2006 годзе пад санкцыі трапілі Аляксандр Лукашэнка і шэраг высокапастаўленых чыноўнікаў, уключаючы кіраўнікоў КДБ, МУС, ЦВК і іншых. Большасць з гэтых асоб ужо не займаюць пасады, а некаторыя з’ехалі з краіны.
Як і летась, у дакуменце падкрэсліваецца, што 9 жніўня 2021 года санкцыі былі пашыраныя з-за падаўлення дэмакратыі, парушэнняў правоў чалавека, фальсіфікацыі выбараў 2020 года, разгрому апазіцыі і грамадзянскай супольнасці, а таксама стварэння пагрозы міжнароднай авіяцыі.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары