Грамадства2222

«Д'ябал абвінавачвае». Ксёндз Лашук працягвае служыць і выказаўся пра скандал вакол сябе

Каталіцкая царква правярае, ці пробашч парафіі парушыў кананічнае права. Сцвярджалася, што ксёндз адхілены ад служэння, але сёння ён служыў у парафіі і адказаў на абвінавачванні.

Фота: скрыншот з youtube.com

Днямі выйшла расследаванне «Рабочага руху», які абвінаваціў пробашча парафіі ў Стоўбцах Ігара Лашука ў тым, што ён лабіраваў для бізнэсмена Аляксандра Зайцава тытул папскага рыцара. Гэта, як сцвярджаецца, рабілася, каб той мог абыходзіць санкцыі: Зайцаў мультымільянер, набліжаны да сям'і Лукашэнкаў. 

Паводле таго ж расследавання, у Ігара Лашука, верагодна, ёсць двое сыноў 2010 і 2013 гадоў нараджэння, і ксёндз быццам мае пастаянную сувязь з іх маці. Між тым, каталіцкія святары прымаюць цэлібат, і ім забаронена мець сям’ю, то-бок гаворка ідзе пра магчымае парушэнне царкоўнага кананічнага права.

25 лістапада «Хрысціянская візія» паведаміла са спасылкай на ўласныя крыніцы, што Лашук адхілены ад служэння на час царкоўнага расследавання. Паводле курыі Мінска-Магілёўскай архідыяцэзіі, кейс Лашука «даследуецца ў святле нормаў Кодэкса кананічнага права».

Але сёння ксёндз Лашук усё ж такі служыў у сваей парафіі. Пасля набажэнства святар прапаведваў і ў нечым адказаў на абвінавачванні ў свой адрас:

«Д'ябал праз вусны чалавека гаворыць пра грахі іншага чалавека. Ён абвінавачвае, ён айцец ілжы, і гэта вядома ўсім. Мы, як хрысціяне, заўсёды павінны ўсведамляць, што д’ябал — айцец ілжы, ён заўсёды будзе фальшыва абвінавачваць іншага чалавека. Для чаго? Каб знішчыць, у першую чаргу, святара», — сказаў ён. 

Далей Лашук зусім нечакана «знаходзіць» прычыны скандалу вакол сябе.

«Я таксама думаў — што здарылася ў гэтым свеце? Здаецца, працую ў найлепшай парафіі, якая існуе толькі ў Беларусі. Бо тое, што д’ябал чыніў часамі тут — гэта д’ябал чыніў, але парафія найлепшая, і людзі найлепшыя. У мяне не было дрэнных парафій, дзе б я ні працаваў, усюды былі добрыя людзі, вельмі добрыя, але д’ябал часамі працаваў. Дык думаю — што тут робіцца такое? А потым здагадаўся — мы Фабіяна дасталі! Мы зрабілі вялікі цуд, мы амаль распачалі працэс беатыфікацыйны, і ён [д'ябал] зробіць усё, каб знішчыць, каб гэтага не распачалося!»

Пад Фабіянам Лашук мае на ўвазе ксяндза Фабіяна Малішоўскага, які быў настаяцелем дамініканскага манастыра ў Стоўбцах у 17 стагоддзі. Парэшткі Фабіяна ўдалося адшукаць у 2021 годзе. У снежні 2022-га іх перапахавалі ў стаўбцоўскім касцёле Святога Казіміра.

Падзеі вакол сябе Лашук называе выпрабаваннем сваёй веры і здольнасці дараваць: маўляў, ён вучыць гэтаму вернікаў, дык цяпер прыйшоў час такога выпрабавання і для яго самога.

«Наша Нiва» — бастыён беларушчыны

ПАДТРЫМАЦЬ

Праект рэканструкцыі Чырвонага касцёла «запусцілі ў працу»

«Уклалі 30 000 даляраў». Беларусы больш за 10 гадоў аднаўлялі пад Мінскам старажытную капліцу

«Роспіс высокатэмпературнымі пігментамі для керамікі». Мастак паказаў, як ствараў незвычайную ікону для касцёла ў Стоўбцах

Каментары22

  • даведка
    26.11.2023
    И вселился дьявол в ксендза белорусского, и покрыл он семенем своим рабу божию Татьяну. Целых два раза.
  • Ёзафат
    26.11.2023
    Гэта не памылковая інфармацыя, а мэтанакіраваны ўкід супраць каталіцкага касьцёла...
  • Абу
    26.11.2023
    Ізыдзі!

Цяпер чытаюць

Пуцін гатовы на спыненне вайны, калі яму падораць рэшту Данецкай вобласці — Славянск, Краматорск і Пакроўск22

Пуцін гатовы на спыненне вайны, калі яму падораць рэшту Данецкай вобласці — Славянск, Краматорск і Пакроўск

Усе навіны →
Усе навіны

Лукашэнка пра магчымасць балатавацца на яшчэ адзін тэрмін: Трампу хутка 80, і ён прыстойна выглядае7

Туск пасля размовы з Зяленскім дапусціў хуткую паўзу ў расійска-ўкраінскай вайне2

Амерыканскі журналіст Шустэр расказаў, як яго ўгаворвалі зрабіць інтэрв'ю з Лукашэнкам. Нават прапаноўвалі грошы7

Лукашэнка назваў разню ў Бучы добра спланаванай акцыяй14

Лукашэнка: Трамп — балбатун, раніцай гаворыць адно, вечарам робіць іншае16

У ЗША арыштавалі жанчыну, якая прыкідвалася медсястрой. Яна аказала дапамогу тысячам пацыентаў5

Беларуская праваслаўная царква вярнула ў назву «Маскоўскі патрыярхат» пасля заўвагі з Масквы29

Некалькі дзясяткаў чалавек пратэставалі ў Вільні супраць Офіса Ціханоўскай22

Ціханоўская прапанавала Трампу, як далей дзейнічаць у пытанні Беларусі12

больш чытаных навін
больш лайканых навін

Пуцін гатовы на спыненне вайны, калі яму падораць рэшту Данецкай вобласці — Славянск, Краматорск і Пакроўск22

Пуцін гатовы на спыненне вайны, калі яму падораць рэшту Данецкай вобласці — Славянск, Краматорск і Пакроўск

Галоўнае
Усе навіны →

Заўвага:

 

 

 

 

Закрыць Паведаміць