Уцечкі ЗША паказваюць, што інфармацыя пра магчымасць новага наступу войскаў з Беларусі — наўмысная дэзінфармацыя Крамля
«Пастаўка «Іскандэраў» і сумесныя вучэнні павінны стварыць ілюзію будучага нападу з Беларусі на Украіну».
«Радыё Свабода» атрымала ў распараджэнне адзін са злітых дакументаў Мінабароны ЗША, у якіх раскрываюцца падрабязнасці аб сумесных ваенных манеўрах Беларусі і Расіі на мяжы з Украінай. Амерыканская выведка лічыць, што падобныя дзеянні з'яўляюцца наўмыснай дэзінфармацыяй.
У сакрэтных дакументах змяшчаецца інфармацыя пра расійскую аперацыю па «аператыўнай маскіроўцы», якая была санкцыянаваная Генштабам РФ і праводзілася з 3 па 10 лютага 2023 года. Аперацыя складалася з перакідкі ў Беларусь ракетна-тактычных комплексаў «Іскандэр-М», сумесных лётна-тактычных вучэнняў і больш агрэсіўных ваенных навучальных манеўраў на мяжы з Украінай.
Згодна з уцечкамі, усе гэтыя дзеянні ўзгадняліся з Генштабам Узброеных сіл Беларусі.
«Кіраўніцтва расійскага Генштаба заявіла, што аперацыя паспяхова пераканала ўкраінскія выведвальныя службы ў магчымасці сумеснага расійска-беларускага наступлення з беларускай тэрыторыі», — цытуе «Радыё Свабода» інфармацыю з сакрэтнага дакумента ЗША.
Аперацыі па дэзінфармацыі ўкраінскага вайсковага камандавання працягнуліся і пасля гэтага. Выведка ЗША падзяліла іх на дзве фазы: першая фаза павінна была працягвацца да 6 сакавіка, а другая — з 6 па 11 сакавіка. Планы абедзвюх фаз таксама меркавалася даслаць на зацвярджэнне ў Генштаб Узброеных сіл Беларусі.
Пры гэтым у самой Украіне неаднаразова афіцыйна заяўлялі, што лічаць магчымасць паўторнага нападу з Беларусі малаверагоднай (ды і самі беларусы збольшага выступаюць супраць падобнага).
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары
А я думаю брэша,таму што тут вялiкая палiтыка, бо тады Украiне прыйдзецца даваць вялiкiя грошы i яшчэ больш сур`ёзную зброю i iсцi на канфрантацыю з рашай чаго яны рабiць не хацяць. што там са Абрамсамi увогуле, якiя эшалоны паказвалi у Каларада 3 месяца таму, яны хоць даехалi ужо ва Украiну цi яшчэ усё так па Каларада i курсуюць ?:)