Uciečki ZŠA pakazvajuć, što infarmacyja pra mahčymaść novaha nastupu vojskaŭ ź Biełarusi — naŭmysnaja dezinfarmacyja Kramla
«Pastaŭka «Iskanderaŭ» i sumiesnyja vučeńni pavinny stvaryć iluziju budučaha napadu ź Biełarusi na Ukrainu».
«Radyjo Svaboda» atrymała ŭ rasparadžeńnie adzin sa źlitych dakumientaŭ Minabarony ZŠA, u jakich raskryvajucca padrabiaznaści ab sumiesnych vajennych manieŭrach Biełarusi i Rasii na miažy z Ukrainaj. Amierykanskaja vyviedka ličyć, što padobnyja dziejańni źjaŭlajucca naŭmysnaj dezinfarmacyjaj.
U sakretnych dakumientach źmiaščajecca infarmacyja pra rasijskuju apieracyju pa «apieratyŭnaj maskiroŭcy», jakaja była sankcyjanavanaja Hienštabam RF i pravodziłasia z 3 pa 10 lutaha 2023 hoda. Apieracyja składałasia z pierakidki ŭ Biełaruś rakietna-taktyčnych kompleksaŭ «Iskander-M», sumiesnych lotna-taktyčnych vučeńniaŭ i bolš ahresiŭnych vajennych navučalnych manieŭraŭ na miažy z Ukrainaj.
Zhodna z uciečkami, usie hetyja dziejańni ŭzhadnialisia z Hienštabam Uzbrojenych sił Biełarusi.
«Kiraŭnictva rasijskaha Hienštaba zajaviła, što apieracyja paśpiachova pierakanała ŭkrainskija vyviedvalnyja słužby ŭ mahčymaści sumiesnaha rasijska-biełaruskaha nastupleńnia ź biełaruskaj terytoryi», — cytuje «Radyjo Svaboda» infarmacyju z sakretnaha dakumienta ZŠA.
Apieracyi pa dezinfarmacyi ŭkrainskaha vajskovaha kamandavańnia praciahnulisia i paśla hetaha. Vyviedka ZŠA padzialiła ich na dźvie fazy: pieršaja faza pavinna była praciahvacca da 6 sakavika, a druhaja — z 6 pa 11 sakavika. Płany abiedźviuch faz taksama mierkavałasia dasłać na zaćviardžeńnie ŭ Hienštab Uzbrojenych sił Biełarusi.
Pry hetym u samoj Ukrainie nieadnarazova aficyjna zajaŭlali, što ličać mahčymaść paŭtornaha napadu ź Biełarusi małavierahodnaj (dy i sami biełarusy zbolšaha vystupajuć suprać padobnaha).
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary
A ja dumaju breša,tamu što tut vialikaja palityka, bo tady Ukrainie pryjdziecca davać vialikija hrošy i jašče bolš sur`ioznuju zbroju i isci na kanfrantacyju z rašaj čaho jany rabić nie chaciać. što tam sa Abramsami uvohule, jakija ešałony pakazvali u Kałarada 3 miesiaca tamu, jany choć dajechali užo va Ukrainu ci jašče usio tak pa Kałarada i kursujuć ?:)