У NASA паведамілі сапраўднае месца падзення няспраўнага спадарожніка
Касмічны карабель Rhessi вагой 270 кг упаў на Зямлю ў ноч на 19 красавіка над паўночнай часткай Афрыкі. Пасля таго як ноччу 20 красавіка ў Гомелі і Кіеве ўбачылі ў небе яркую ўспышку, гарадскія ўлады выказалі здагадку, што гэта мог быць спадарожнік NASA, аб падзенні якога паведамлялася раней, піша «Украінская праўда».
Міністэрства абароны ЗША пацвердзіла, што 660-фунтавы (300 кг) касмічны карабель зноў увайшоў у атмасферу над рэгіёнам пустыні Сахара, прыкладна на 26 градусах даўгаты і 21,3 градуса шыраты», — паведамілі прадстаўнікі NASA.
Гэтыя каардынаты паказваюць на падзенне каля судана-егіпецкай мяжы, адзначыў астрафізік Джонатан МакДаўэл у твітары. Паводле яго слоў, Rhessi рухаўся на паўночны ўсход, калі апусціўся.
Большая частка касмічнага карабля, верагодна, згарэла ў атмасферы Зямлі, хоць чакаецца, што некаторыя абломкі могуць прызямліцца.
Rhessi запусцілі на нізкую калязямную арбіту на борце ракеты Pegasus XL у 2002 годзе з мэтай унікальнага даследавання Cонца.
Нагадаем, у ноч на 20 красавіка ў небе над Кіевам і Гомелем зафіксавалі яркую ўспышку. У сталіцы Украіны абвясцілі паветраную трывогу.
У Кіеўскай гарадской адміністрацыі паведамілі, што, паводле папярэдніх даных, жыхары сталіцы бачылі падзенне касмічнага спадарожніка NASA. Пасля ў NASA гэтую інфармацыю абверглі і заявілі, што ўспышкі над Кіевам не маглі быць выкліканыя падзеннем з арбіты спадарожніка, і выказалі меркаванне, што гэта быў метэор.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну62
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары