U NASA paviedamili sapraŭdnaje miesca padzieńnia niaspraŭnaha spadarožnika
Kaśmičny karabiel Rhessi vahoj 270 kh upaŭ na Ziamlu ŭ noč na 19 krasavika nad paŭnočnaj častkaj Afryki. Paśla taho jak nočču 20 krasavika ŭ Homieli i Kijevie ŭbačyli ŭ niebie jarkuju ŭspyšku, haradskija ŭłady vykazali zdahadku, što heta moh być spadarožnik NASA, ab padzieńni jakoha paviedamlałasia raniej, piša «Ukrainskaja praŭda».
Ministerstva abarony ZŠA paćvierdziła, što 660-funtavy (300 kh) kaśmičny karabiel znoŭ uvajšoŭ u atmaśfieru nad rehijonam pustyni Sachara, prykładna na 26 hradusach daŭhaty i 21,3 hradusa šyraty», — paviedamili pradstaŭniki NASA.
Hetyja kaardynaty pakazvajuć na padzieńnie kala sudana-jehipieckaj miažy, adznačyŭ astrafizik Džonatan MakDaŭeł u tvitary. Pavodle jaho słoŭ, Rhessi ruchaŭsia na paŭnočny ŭschod, kali apuściŭsia.
Bolšaja častka kaśmičnaha karabla, vierahodna, zhareła ŭ atmaśfiery Ziamli, choć čakajecca, što niekatoryja abłomki mohuć pryziamlicca.
Rhessi zapuścili na nizkuju kalaziamnuju arbitu na borcie rakiety Pegasus XL u 2002 hodzie z metaj unikalnaha daśledavańnia Conca.
Nahadajem, u noč na 20 krasavika ŭ niebie nad Kijevam i Homielem zafiksavali jarkuju ŭspyšku. U stalicy Ukrainy abviaścili pavietranuju tryvohu.
U Kijeŭskaj haradskoj administracyi paviedamili, što, pavodle papiarednich danych, žychary stalicy bačyli padzieńnie kaśmičnaha spadarožnika NASA. Paśla ŭ NASA hetuju infarmacyju abvierhli i zajavili, što ŭspyški nad Kijevam nie mahli być vyklikanyja padzieńniem z arbity spadarožnika, i vykazali mierkavańnie, što heta byŭ mieteor.
Ciapier čytajuć
MZS Ukrainy vydała zajavu ŭ suviazi z represijami pa «spravie Hajuna»9
Kamientary