Прэмію за ўклад у развіццё беларускай музычнай індустрыі атрымаў аўтар песні «Я русский»
Ён жа напісаў кнігу пра тое, як кінуць піць.
Спецыяльную прэмію за ўклад у развіццё музычнай індустрыі Беларусі атрымаў расійскі спявак і кампазітар Алег Шаўмараў. На асобу лаўрэата звярнуў увагу журналіст Аляксандр Чарнуха на сваім ютуб-канале.
Шаўмараў працуе з такімі зоркамі расійскай эстрады, як Арбакайтэ, Баскаў, Алеграва. У 2018-м удзельнічаў у расійскім шоу «Голас». Але ў адпаведнасці з патрабаваннем часу ў ліпені 2022 года выйшла яго патрыятычная песня «Я русский».
У 2020 годзе ў Шаўмарава выходзіла кніга «Проблема на Ж». У ёй ён распавядае пра тое, як кінуць піць.
За што ж Шаўмараў атрымаў узнагароду? Як адзначылі вядучыя «Песні года», яго песні ў выкананні беларускіх артыстаў «сталі сапраўднымі хітамі». Шаўмараў з'яўляецца аўтарам музычных кампазіцый да тэлепраектаў «Героі» на БТ і «Зорны шлях» на АНТ.
На той жа «Песні года» найлепшым аўтарам словаў была прызнаная Ганна Сялук — нявестка Лукашэнкі Ганна. Яна аўтарка словаў такіх песень, як «Ах, Аляксандр», «Бульба Дэнс», «Беларуская жонка».
Чытайце яшчэ:
Гэта песня насмяшыла беларускі інтэрнэт. Але яшчэ цікавей тое, хто яе напісаў
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка6
Каментары
А вам все не так))