Усе свае на чале з нявесткай Лукашэнкі. У Беларусі назвалі найлепшую песню 2022 года
Найлепшай песняй 2022 года Беларусі журы прызначыла песню Валерыя Шмата і Ганны Сялук «За намі праўда», паведамляе БЕЛТА са спасылкай на прэс-службу Міністэрства культуры.
Арганізатарам фіналу рэспубліканскага конкурсу «Песня года Беларусі» сталі Міністэрства культуры і тэлеканал АНТ.
У намінацыі «Выканаўца года» перамогу атрымала Вікторыя Алешка, у намінацыі «Найлепшы радыёвыканаўца» — Іван Зданюк. «Адкрыццём года» стаў Мікіта Бялько. Найлепшым гуртом года прызнаная «Аура», найлепшым дуэтам — Тэа і Вольга Рыжыкава.
Найлепшым аўтарам музыкі стаў Валерый Шмат, найлепшым аўтарам слоў — Ганна Сялук (гэта творчы псеўданім Ганны Сяргееўны Лукашэнка — нявесткі Аляксандра Лукашэнкі).
Спецыяльную ўзнагароду «За ўклад у развіццё эстраднай папулярнай музыкі» ўлады далі Васілю Раінчыку. Таксама былі ўручаныя спецыяльныя ўзнагароды тэлеканала АНТ: «За вернасць беларускай эстрадзе» — Руслану Аляхно і «За ўклад у развіццё музычнай індустрыі» — Алегу Шаўмараву.
Спецыяльную ўзнагароду Міністэрства культуры «За выдатныя дасягненні ў галіне беларускай папулярнай музыкі» далі Яўгену Алейніку.
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў25
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары