Premiju za ŭkład u raźvićcio biełaruskaj muzyčnaj industryi atrymaŭ aŭtar pieśni «Ja russkij»
Jon ža napisaŭ knihu pra toje, jak kinuć pić.
Śpiecyjalnuju premiju za ŭkład u raźvićcio muzyčnaj industryi Biełarusi atrymaŭ rasijski śpiavak i kampazitar Aleh Šaŭmaraŭ. Na asobu łaŭreata źviarnuŭ uvahu žurnalist Alaksandr Čarnucha na svaim jutub-kanale.
Šaŭmaraŭ pracuje z takimi zorkami rasijskaj estrady, jak Arbakajte, Baskaŭ, Alehrava. U 2018-m udzielničaŭ u rasijskim šou «Hołas». Ale ŭ adpaviednaści z patrabavańniem času ŭ lipieni 2022 hoda vyjšła jaho patryjatyčnaja pieśnia «Ja russkij».
U 2020 hodzie ŭ Šaŭmarava vychodziła kniha «Problema na Ž». U joj jon raspaviadaje pra toje, jak kinuć pić.
Za što ž Šaŭmaraŭ atrymaŭ uznaharodu? Jak adznačyli viadučyja «Pieśni hoda», jaho pieśni ŭ vykanańni biełaruskich artystaŭ «stali sapraŭdnymi chitami». Šaŭmaraŭ źjaŭlajecca aŭtaram muzyčnych kampazicyj da teleprajektaŭ «Hieroi» na BT i «Zorny šlach» na ANT.
Na toj ža «Pieśni hoda» najlepšym aŭtaram słovaŭ była pryznanaja Hanna Siałuk — niaviestka Łukašenki Hanna. Jana aŭtarka słovaŭ takich piesień, jak «Ach, Alaksandr», «Bulba Dens», «Biełaruskaja žonka».
Čytajcie jašče:
Heta pieśnia naśmiašyła biełaruski internet. Ale jašče cikaviej toje, chto jaje napisaŭ
Kamientary
A vam vsie nie tak))