Heta pieśnia naśmiašyła biełaruski internet. Ale jašče cikaviej toje, chto jaje napisaŭ
Małaviadomy śpiavak Dźmitryj Azaranka vypuściŭ pieśniu «Biełaruskaja žonka». Prezientavać jaje jon pryjšoŭ adrazu na BT, dzie vielmi nachvalvali aŭtarku słoŭ.
«Biełorusskaja žiena
Svoim principam vierna:
Ona rubit, siejet, pašiet
I nie žałujetsia dažie.
I krasiva — zahladieńje,
I hotovit — objedieńje.
Biełorusskaja žiena
Łučšie vsiech druhich ona», — taki prypieŭ hetaj pieśni.
Dźmitryj Azaranka — muzyka, viadučy i režysior-pastanoŭščyk Mahiloŭskaha haradskoha centra kultury i zabavy. Kaža, što chałasty.
Jon naradziŭsia ŭ Mahilovie. Tam ža pačynaŭ svaju karjeru i praciahvaje vystupać. Naprykład, 7 sakavika ŭ Dźmitryja budzie kancert. Košt kvitkoŭ — 10 i 15 rubloŭ.
Raniej «Vieśnik Mahilova» pra adzin ź jaho kancertaŭ pisaŭ, što «talenavity małady vykanaŭca radavaŭ publiku muzyčnymi kampazicyjami pra kachańnie, razmaŭlaŭ z hledačami, časta spuskaŭsia ŭ zał, kab zaprasić na taniec prychilnic roznych uzrostaŭ».
Muzyku da jaho novaj pieśni napisaŭ mahiloŭski kampazitar Siarhiej Papasaŭ.
A słovy — Hanna Siałuk. Heta tvorčy psieŭdanim Hanny Siarhiejeŭny Łukašenka — niaviestki Alaksandra Łukašenki, jakaja naradziłasia ŭ Škłovie.
Jaje asobu raniej raskryŭ Siarhiej Čały ŭ rasśledavańni. Za dva hady jana paśpieła napisać pieśni dla MUS, MNS, armii i navat himn prakuratury. A taksama treki «Ach, Alaksandr» i «Bulba-dens».
Kampazicyi na jaje słovy vykonvajuć Julija Bykava, Anatol Jarmolenka, Alena Łanskaja, Iryna Darafiejeva, Rusłan Alachno, Alaksandr Saładucha, Alaksandra Hajduk, Zinaida Furor.
Sama «Siałuk» niepubličnaja, ale ŭ intervju taho ž vykanaŭcy «Biełaruskaj žonki» pieršaj spravaj pytajucca nie pra jaho, a pra aŭtarku słoŭ.
«Jana pahladzieła mianie ŭ instahramie, skazała: «Ty taki viasioły, aktyŭny. Davaj pahladzim z taboj viasioleńkaje štości dla temy pieśni». Na nastupny dzień u mianie ŭžo lažaŭ tekst», — raskazaŭ Azaranka.
Viadučy BT rassypaŭ u adras Siałuk niamała kamplimientaŭ.
Čytajcie taksama:
Doktar Maryjarci biełaruskaj estrady. Vy nie pavierycie, chto piša patryjatyčnyja pieśni dla dziaržTB i karparatyvaŭ siłavikoŭ
«Ach, Alaksandr, lubaja ź im pojdzie ŭ ahoń i vadu». Maładaja śpiavačka pryśviaciła pieśniu Łukašenku
Naviband i ŭkrainskaja śpiavačka Tayanna zapisali pieśniu na biełaruskaj i ŭkrainskaj movach VIDEA
Ciapier čytajuć
Łukašenka sustreŭsia sa śpiecpasłańnikam Trampa Kitam Kiełaham19
Kamientary