U Kitai vyčyścili viarchoŭnaha hienierała. Hetamu papiaredničała vialikaja pierastrełka
28 žniŭnia ŭ Kitai z pasad u Centralnaj vajskovaj kamisii vyzvalili hienierałaŭ Čžan Jusia i Lu Čžeńli. Čžan Jusia byŭ namieśnikam staršyni kamisii i ličyŭsia druhoj pa ŭpłyvovaści asobaj u vajskovym kiraŭnictvie krainy paśla Si Czińpina. Jon taksama ličyŭsia adnym ź jaho najbližejšych sajuźnikaŭ, piša Reuters.
Rasśledavańnie ŭ dačynieńni da abodvuch hienierałaŭ pačałosia jašče ŭ studzieni. Ich padazrajuć u surjoznych parušeńniach dyscypliny i zakona. Adstaŭka adbyłasia na fonie šyrokaj antykarupcyjnaj kampanii ŭ kitajskaj armii, jakuju Si Czińpin viadzie apošnija niekalki hadoŭ. Raniej pad rasśledavańnie trapili, u pryvatnaści, byłyja ministry abarony Vej Fenche i Li Šanfu.
Kadravyja źmieny taksama supali z čutkami pra mahčymuju sprobu vajskovaha pieravarotu ŭ Kitai. Pavodle adnoj ź viersij, 18 studzienia Čžan Jusia nibyta nakiravaŭ vajskoŭcaŭ da hatela ŭ zachodniaj častcy Piekina, kab zatrymać Si Czińpina. Tam ich nibyta čakali supracoŭniki słužby achovy kitajskaha kiraŭnika. Paviedamlałasia pra ŭzbrojenaje sutyknieńnie, u vyniku jakoha mahli zahinuć achoŭniki i vajskoŭcy. Adnak hetyja źviestki aficyjna nie paćvierdžanyja.
Čžan Jusia ŭdzielničaŭ u kitajska-vjetnamskaj vajnie 1979 hoda. Jaho baćka byŭ hienierałam i paplečnikam baćki Si Czińpina — Si Čžunsiunia. Sam Čžan, jak i Si, naležyć da tak zvanych «pryncaŭ» — naščadkaŭ vysokapastaŭlenych dziejačaŭ Kamunistyčnaj partyi Kitaja.
U 2012 hodzie Čžan uznačaliŭ Hałoŭnaje ŭpraŭleńnie ŭzbrajeńniaŭ Narodna-vyzvalenčaj armii Kitaja, jakoje zajmajecca zakupkami i raspracoŭkaj zbroi. U 2017‑m jon staŭ namieśnikam staršyni Centralnaj vajskovaj kamisii, a ŭ 2022 hodzie byŭ paŭtorna pryznačany na hetuju pasadu, choć užo dasiahnuŭ uzrostu, kali zvyčajna iduć na piensiju.
Kitaj stvoryć «Vialikuju zialonuju ścianu» z hryboŭ. I inšuju — z bambuku
Kitaj płanuje pieratvaryć sprečnyja astravy ŭ Paŭdniova-Kitajskim mory ŭ rabatyzavanyja krepaści
«Jana apranałasia prosta i vyhladała sumlennaj». Adzinokich kitajskich mužčyn usio čaściej durać fiktyŭnymi niaviestami
Ciahnik u Kitai razahnali da 800 km/h za piać siekundaŭ
Viktar Łukašenka zaśviaciŭ na pasiadžeńni NAK svoj hadzińnik — ciažki luks30
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary