Палякі адмовіліся рамантаваць беларускі цягнік, бо Беларусь пад санкцыямі
Польская кампанія адмовілася рамантаваць цягнік, які амаль год таму сутыкнуўся ў Беларусі з трактарам. Усё гэта — з-за еўрапейскіх санкцый супраць Беларусі, паведамляе выданне Most.
У афіцыйным прэс-рэлізе польскай кампаніі Pesa з Быдгашча гаворыцца, што яна атрымала ліст ад «Беларускай чыгункі». У ім беларусы прасілі адрамантаваць дызель-цягнік, выраблены ў Быдгашчы. Але вытворца паведаміў беларускаму боку, што не зможа ўзяць такі заказ.
Прадстаўнік PESA Bydgoszcz Мацей Гжэскавяк паведаміў польскаму парталу NaKolei.pl:
«PESA не можа выканаць просьбу аб рамонце з боку беларускага перавозчыка, улічваючы бягучую сітуацыю, звязаную з вайной ва Украіне, а таксама звязаныя з гэтым санкцыі, якія прыняў Еўрасаюз у дачыненні да Расіі і Беларусі».
Партал паведамляе, што цягнік не рамантаваўся з сакавіка 2022 года, калі і адбылася аварыя:
«У беларусаў, адрэзаных ад многіх кампанентаў, узнікаюць праблемы з выкананнем работ уласнымі сіламі».
Сам інцыдэнт адбыўся ў сакавіку 2022 года. На чыгуначным перагоне Рудзенск — Міханавічы ў Мінскай вобласці каля прыпынку Зазерка сутыкнуліся цягнік і трактар з прычэпам, напоўненым гноем. Удар цягніка прыйшоўся на прычэп. У выніку здарэння былі пашкоджаныя апоры электразабеспячэння, спынены рух на перагоне, затрыманы рух пасажырскіх цягнікоў. Здарэнне абышлося без чалавечых ахвяр.
Чытайце таксама:
Цягнік «Магілёў-Мінск» урэзаўся ў трактарны прычэп з гноем на чыгуначным пераездзе
Цяпер чытаюць
Місію дэмакратычных сілаў Беларусі ва Украіне ўзначаліла Вольга Зазулінская7
Місію дэмакратычных сілаў Беларусі ва Украіне ўзначаліла Вольга Зазулінская
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары