Na Biełastoččynie ŭračysta adkryli šyldy na radzimie Kastusia Kalinoŭskaha
U Mastaŭlanach na Biełastoččynie, niedaloka ad miažy ź Biełaruśsiu, uračysta adkryli infarmacyjnyja šyldy na terytoryi byłoha siadzibna-parkavaha ansambla, dzie ŭ 1838 hodzie naradziŭsia biełaruski nacyjanalny hieroj Kastuś Kalinoŭski. Ahułam na ŭračystaść sabrałasia pad sotniu čałaviek, piša «Radyjo Racyja».
Ad Arhkamiteta miemaryjalizacyi siadziby Kalinoŭskich haściej vitali kiraŭnica arhkamiteta Volha Siamaška i skulptar Januš Tałuć, jakija ŭračysta źniali pokryva z šyldaŭ i raskazali pra praces ich ustalavańnia.
Uračysta aśviaciŭ šyldy ksiondz Viačasłaŭ Barok z dušpastyrstva biełarusaŭ-katalikoŭ u Varšavie. Haściej vitali namieśnica burmistra Michałoŭskaj hminy Elžbieta Rasińska i pradstaŭnik upravy Biełastockaha pavieta Hienryk Suchocki, jakija padziakavali za takuju važnuju dla rehijonu inicyjatyvu. Asobna Hienryk Suchocki nahadaŭ, što akurat 22 listapada 2019 hoda adbyłosia pierapachavańnie pareštkaŭ Kalinoŭskaha ŭ Vilni i raskazaŭ pra svoj udzieł u im.
Słova ŭziaŭ i namieśnik kiraŭnicy Abjadnanaha pierachodnaha kabinieta, kiraŭnik NAU Pavieł Łatuška, jaki padtrymaŭ arhkamitet u takoj važnaj spravie pa ŭstalavańni šyldaŭ, jašče raz nahadaŭšy, što imia Kalinoŭskaha ŭpisana załatymi litarami ŭ historyju Biełarusi, Polščy i Litvy. Taksama Łatuška padtrymaŭ ideju stvareńnia muzieja-siadziby Kalinoŭskaha.
Ad doma kultury ŭ Haradku, čyim patronam źjaŭlajecca Kastuś Kalinoŭski, vystupiła dyrektarka Mahdalena Łotyš, a svaje pieśni zaśpiavaŭ miascovy artyst Jan Karpovič, jaki vykanaŭ pieśni «Nioman» i «Manałoh paŭstanckaha kania». Taksama vitaŭ prysutnych prafiesar Lavon Tarasevič, jaki adznačyŭ važnaść takich šyldaŭ i zachavańnia pamiaci Kalinoŭskaha.
Va ŭračystaści ŭziali ŭdzieł pradstaŭniki partnioraŭ arhkamiteta, bieź jakich by heta śviata nie atrymałasia — Centra biełaruskaj kultury ŭ Biełastoku, Biełaruskaj dyjaspary ŭ Biełastoku i kłuba Invictus 1863. Asobna pierad prysutnymi vystupiŭ biełaruski eks-dobraachvotnik, jaki padziakavaŭ arhkamitetu za šyldy i pažadaŭ, kab u budučym muziei znajšłosia miesca i dla «kalinoŭcaŭ» — ludziej jakija zahinuli za svabodu Biełarusi i ŭsiaho rehijonu na vajnie va Ukrainie.
Pad Astraŭcom prybrali pomnik paŭstancam 1863 hoda, pastaŭleny žycharami rajona
U Mastaŭlanach na Padlaššy ŭstalavali šyldy na miescy naradžeńnia Kalinoŭskaha
Zdavałasia, heta kaniec, ale heta stała pačatkam šlachu da svabodnaj Biełarusi. Jakim było samaje niedaacenienaje paŭstańnie ŭ biełaruskaj historyi
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary