Varšaŭskamu zabojcu biełaruski Lizy paćvierdzili pažyćciovaje pakarańnie. Sud nie pavieryŭ u «tabletku zhvałtavańnia»
Apielacyjny sud Varšavy pakinuŭ u sile prysud Daryjanu S. — hramadzianinu Polščy, jaki ŭ 2024 hodzie zhvałciŭ i zadušyŭ biełarusku Lizu Hiercen u centry Varšavy. Mužčyna budzie adbyvać pažyćciovaje źniavoleńnie, piša Most.
Abarona hvałtaŭnika sprabavała asprečyć, što ŭ momant ździajśnieńnia złačynstva mužčyna byŭ u śviadomaści, ale sud nie pahadziŭsia z hetaj pazicyjaj.
«Abarona prajaviła kreatyŭnaść, ale heta nie mianiaje ahulnaj karciny hetaj spravy. Sprava była praviedzienaja pravilna z pracesualnaha boku, pravilna acenienaja z materyjalna-pravavoha boku, i heta acenka ŭsiaho składu suda», — padkreśliŭ sudździa-dakładčyk Maciej Hruščyński.
Advakaty sprabavali asprečyć dadzienaje raniej zaklučeńnie ekśpiertaŭ. Pradstaŭniki abarony Daryjana S. śćviardžali, što padčas viečarynki ŭ adnym z varšaŭskich kłubaŭ abvinavačanamu nibyta padsypali ŭ napoj «tabletku zhvałtavańnia», čym mahli tłumačycca niezvyčajnyja pavodziny mužčyny. Jany taksama źviartali ŭvahu, što prysutnaść takich rečyvaŭ mahła zastacca niavyjaŭlenaj, tamu što ŭzory kryvi ŭziali zanadta pozna.
«Adnak ekśpierty ŭstanavili, što ŭ pavodzinach [Daryjana] nie nazirałasia nijakich prykmiet pamutnieńnia śviadomaści. Pavodziny byli racyjanalnymi, z samaha pačatku spłanavanymi. Takimi ž byli pavodziny paśla zdareńnia — kali jon, viartajučysia dadomu, vykidaŭ pradmiety, a kali dajšoŭ da doma, to adnym ź pieršych dziejańniaŭ było adpravić paviedamleńnie baćku», — paviedamiŭ sudździa.
Akramia taho, jak jon adznačyŭ, adnym z asnoŭnych arhumientaŭ, vystaŭlenych abaronaj, było mierkavanaje pracesualnaje parušeńnie, jakoje tyčycca pryznačeńnia składu suda. Ale Apielacyjny sud paličyŭ, što pry jaho farmavańni nie było dapuščana nijakich parušeńniaŭ.
Na biełarusku Lizu Hiercen napali ranicaj 25 lutaha 2024 hoda ŭ centry Varšavy. Zabojca nadzieŭ bałakłavu i, pahražajučy nažom, uciahnuŭ achviaru ŭ varoty doma. Tam jon zhvałciŭ jaje i staŭ dušyć. Dziaŭčyna pieražyła spynieńnie serca, ale miedykam udałosia reanimavać jaje. U krytyčnym stanie Lizu dastavili ŭ balnicu, dzie jana pamierła, nie prychodziačy ŭ prytomnaść, 1 sakavika.
Napadnika vyličyli pa kamierach nazirańnia. Daryjana S. zatrymali ŭviečary taho samaha dnia, pry im byŭ nož. Dziejańni mužčyny byli kvalifikavanyja jak zabojstva pry abciažarvalnych abstavinach. Sud pieršaj instancyi prysudziŭ jaho da pažyćciovaha źniavoleńnia.
«Jaje zvali Liza». U Varšavie prajšoŭ Marš u pamiać ab zhvałtavanaj i zabitaj biełaruscy REPARTAŽ
«Dla vas jon źvier, a dla mianie syn». Baćka hvałtaŭnika, jaki zabiŭ biełarusku, prakamientavaŭ trahiedyju i vyklikaŭ abureńnie
Abvinavačanaha ŭ zabojstvie biełaruski Lizy ŭ Varšavie pryznali adekvatnym i buduć sudzić
Jakija jeŭrapiejskija stalicy najbolš niebiaśpiečnyja?
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary