Sadoŭnika z-pad Barysava asudzili. Mierkavana, pa spravie Hajuna
Mikałaj Damaronak zarablaŭ tym, što ŭpryhožvaŭ sady. Niadaŭna jaho asudzili za «sadziejničańnie ekstremisckaj dziejnaści».
36‑hadovy Mikałaj Damaronak rodam z ahraharadka Niemanica ŭ Barysaŭskim rajonie. U 2012‑m skončyŭ Biełaruski dziaržaŭny ŭniviersitet fizičnaj kultury. Maje žonku.
Z 2017 hoda mužčyna pačaŭ svoj biznes. Mikałaj śpiecyjalizujeiecca na dobraŭparadkavańni ŭčastkaŭ: stryh kusty, dahladaŭ hazony, pradavaŭ i vysadžvaŭ tui, rabiŭ zalonaje ŭpryhožańnie. Jon viadzie prafiesijnyja staronki ŭ sacsietkach, dzie raspaviadaje pra svaju pracu. U internecie vyklučna stanoŭčyja vodhuki na jaho.
Mikałaja zatrymali ŭvosień 2025 hoda. U kancy 2025 ci pačatku 2026 hoda mužčynu asudzili. Jaho abvinavačvali pavodle častak 1 i 2 artykuła 361‑4 Kryminalnaha kodeksa («Sadziejničańnie ekstremisckaj dziejnaści»). Prysudzili ci kałoniju, ci chimiju z nakiravańniem.
U sacsietki Damaronak tak i nie viarnuŭsia, a staronki biznesu nieaktyŭnyja — padobna, što Mikałaja pakarali realnym terminam.
«Biełaruski Hajun» — manitorynhavy OSINT-prajekt, jaki byŭ stvorany ŭ 2022 hodzie, kali Rasija praź Biełaruś napała na Ukrainu. Prajekt adsočvaŭ vajennuju aktyŭnaść rasijskich i biełaruskich vojskaŭ, abapirajučysia na infarmacyju ad biełarusaŭ. Kaardynavała jaho dziejnaść hrupa aktyvistaŭ na čale z Antonam Matolkam.
Sprava Hajuna pačałasia paśla taho, jak siłaviki zatrymali aktyvistku, jakaja niekalki hadoŭ žyła ŭ Biełarusi ŭ padpolli. U jaje mabilniku znajšli spasyłku na dałučeńnie ŭ bot Hajuna, jakuju joj dasyłali ŭ samym pačatku isnavańnia prajekta. Fatalnaja pamyłka była ŭ tym, što spasyłka była biesterminovaja. A tamu siłaviki zmahli padklučycca da bota i vypampavać adtul usiu infarmacyju. Jany atrymali paviedamleńni akaŭntaŭ, jakija pisali ŭ bot, a taksama ichnija ID i imiony karystalnikaŭ.
Samu ž dziaŭčynu zatrymali praz toje, što jana była vymušanaja źviarnucca ŭ dziaržaŭnyja struktury, da miedykaŭ. U jaje chłopca, jaki chavaŭsia razam ź joj, pačalisia mocnyja prablemy sa zdaroŭjem na fonie aryštu jaho baćki.
Zasnavalnik Hajuna Anton Matolka adrazu paśla ŭzłomu patłumačyŭ, jak adbyŭsia vyciek infarmacyi i abvieściŭ pra zakryćcio prajekta.
«Naša Niva» — bastyjon biełaruščyny
PADTRYMAĆPisaŭ u čatach pa-biełarusku i sam ramantavaŭ svajo aŭto. Kiraŭnika inavacyj IT-kampanii 4RM Systems kinuli za kraty za palityku
Što moža pahražać tym, chto pisaŭ u bot «Biełaruskaha Hajuna»? I što možna zrabić ciapier
Ekanamistku z «Armteka», jakaja pierajšła ŭ IT i dapamahała biazdomnym žyviołam, asudzili pa spravie Hajuna
Kamientary