Lehiendarnaja mieksikanskaja aktrysa Viktoryja Rufa naviedała Rasiju
My jaje pamiatajem pa kultavym sieryjale «Prosta Maryja».
Niekalki tydniaŭ tamu ŭ sacyjalnych sietkach źjavilisia fatahrafii aktrysy Viktoryi Rufa, na jakich jana paziruje razam ź dźviuma rasijankami, piša Delfi.
Na pačatku červienia ŭ Instagram rasijskaj vizažystki, jakaja viadzie staronku pad nikam syuzanna_mua, źjaviŭsia dopis z paznakaj hieałakacyi Sočy, Rasija, a taksama dźvie fatahrafii, na jakich jana paziruje razam ź Viktoryjaj Rufa i rasijskaj stylistkaj pa vałasach nan_aleqsanyan.
«Nievierahodnaja Viktoryja Rufa. Samy ciopły i dušeŭny čałaviek», — havorycca pa-rusku ŭ podpisie da zdymkaŭ.
Paźniej źjaviŭsia jašče adzin dopis, ź jakoha stała vidać, što aktrysa ŭdzielničała ŭ mierapryjemstvie ŭ Rasii, dzie taksama prajšłasia pa čyrvonaj darožcy.
Pad hetymi publikacyjami adrazu źjaviłasia mnostva kamientaroŭ ad rasijskich karystalnikaŭ. Mnohija adznačali, što ŭ Rasii aktrysu lubiać i zaŭsiody rady jaje bačyć:
«My navat nie viedali, što Viktoryja pryjedzie ŭ Sočy. Ja b prylacieła da ciabie. Pryhažunia-karaleva. Vinšujem z takoj padziejaj, lubim ciabie. Z Rasii»;
«My lubim ciabie ŭ Rasii».
Mieksikanski sieryjał «Prosta Maryja» (pradziusar — syn mihrantaŭ ź Biełarusi Valancin Pimštejn) vyjšaŭ na ekrany ŭ 1989 hodzie, u 1993 hodzie jon byŭ pakazany ŭ Rasii i Biełarusi na kanale ORT. U im było 150 sieryj. Viktoryja Rufa syhrała ŭ im razam z Chajmie Harsija, Manuelem Savalem.
Imia jaje syna Chase Ihnasia naroŭni z Łuisam Albiertam z «Bahatych, što taksama płakali» stała miemam i pradmietam kpinaŭ.
Ciapier čytajuć
Siarhiej Cichanoŭski zapuściŭ svoj jutub-kanał ź vieršami i kazkami58
Kamientary