Pisaŭ u čatach pa-biełarusku i sam ramantavaŭ svajo aŭto. Kiraŭnika inavacyj IT-kampanii 4RM Systems kinuli za kraty za palityku
Kiraŭnika adździeła inavacyjnych daśledavańniaŭ kampanii 4RM Systems Alaksandra Sulžyca asudzili, jak miarkujecca, pa spravie Hajuna. Jon pryjšoŭ u śfieru IT z łahistyki i handlu mietałam.
Alaksandru Sulžycu 44 hady. Jon rodam ź Pinska. U 2005 hodzie skončyŭ Biełaruski dziaržaŭny ekanamičny ŭniviersitet pa śpiecyjalnaści «Finansy i kredyt».
Jaho karjera pačynałasia z łahistyki — pracavaŭ mieniedžaram pa transparcie ŭ «Pinskdrevie», potym zajmaŭ pasady ŭ Belinterlogistik i ElektroEra. Paśla Sulžyc pracavaŭ mieniedžaram pa zakupkach u mižnarodnaj kampanii Exide Technologies. Dalej pierajšoŭ u handal mietałam, a jašče paźniej viarnuŭsia ŭ łahistyku.
Z 2019 pa 2022 hod Sulžyc pracavaŭ u Rozum Robotics, dzie prajšoŭ šlach ad mieniedžara pa pastaŭkach da kiraŭnika adździeła robatatechničnaj aŭtamatyzacyi. Apošnim miescam pracy była 4RM Systems (maj 2023 — maj 2025), dzie Alaksandr zajmaŭsia raspracoŭkaj rašeńnia Stemma sa štučnym intelektam dla aŭtamatyzacyi kas samaabsłuhoŭvańnia ŭ rytejle — mienavita kasy ad 4RM Systems stajać u mnohich biełaruskich kramach.
Chiba najbolšaje zachapleńnie Alaksandra — heta aŭtamabili. Mužčyna byŭ aktyŭnym udzielnikam aŭtasupolnaści: dapamahaŭ pačatkoŭcam paradami, bo i sam ramantavaŭ svajo aŭto.
Jašče Alaksandr lubić zdymać. Jon cikaviŭsia nie banalnymi zdymkami, a indastryjałam, zdymaŭ vytvorčyja pracesy, naprykład, zvarku arhonam, dla čaho śpiecyjalna šukaŭ redkija filtry. Lubić fatahrafavać i pryrodu.
Sulžyc — daśviedčany padarožnik. U sacsietkach jon padrabiazna apisvaŭ maršruty, raiŭ, jakija sim-karty kuplać i jak paźbiahać štrafaŭ u zamiežžy.
Alaksandr časta adkazvaŭ u roznych čatach pa-biełarusku. U jaho jość žonka i dvoje dziaciej.
Sulžyca zatrymali kala vaśmi miesiacaŭ tamu — jon akurat zvolniŭsia i šukaŭ pracu. Alaksandra asudzili ŭ kancy 2025 hoda ci ŭ pačatku 2026 hoda ŭ Minskim haradskim sudzie pavodle č. 1 i č. 2 art. 361‑4 Kryminalnaha kodeksa — «sadziejničańnie ekstremisckaj dziejnaści».
Jamu prysudzili ci chimiju z nakiravańniem, ci kałoniju.
«Naša Niva» — bastyjon biełaruščyny
PADTRYMAĆ
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary
Kožny raz, kali takoje čytaje, mnie nie pa sabie, bo pryjści mohuć za kožnym.