Maładuju fatohrafku z Baranavičaŭ asudzili za palityku. Jana tolki niadaŭna stała mamaj
Palinu Vieramiajčuk asudzili, najchutčej, pa spravie Hajuna.
Palinie Vieramiajčuk 27 hadoŭ. Jana rodam z ahraharadka Stałovičy Baranavickaha rajona.
Pavodle adukacyi Palina finansist, skončyła fakultet finansaŭ i bankaŭskaj dziejnaści Biełaruskaha dziaržaŭnaha ekanamičnaha ŭniviersiteta. Ale svajo žyćcio źviazała z tvorčaściu.
Jana viadomaja jak fatohrafka, zdymała ŭ Baranavičach i Minsku. U svaim profili dziaŭčyna pisała, što stvaraje «žanočyja partrety i siamiejnyja historyi, jakim vieryš», i fatahrafuje tak, «jak byccam zakachanaja ŭ vas».
U Paliny jość muž i zusim maleńkaje dzicia. Jana stała mamaj tolki ŭ lipieni 2025 hoda. Dakładna nieviadoma, kali mienavita da Vieramiajčuk pryjšli siłaviki i ci trymali jaje pad vartaj.
Dziaŭčynu abvinavacili pavodle častak 1 i 2 artykuła 361‑4 Kryminalnaha kodeksa — «sadziejničańnie ekstremisckaj dziejnaści» — i asudzili ŭ Bresckim abłasnym sudzie. Pieraśled źviazany, najchutčej, sa spravaj Hajuna.
Dziaŭčynie prysudzili chatniuju chimiju, ale dakładny prysud nieviadomy.
«Naša Niva» — bastyjon biełaruščyny
PADTRYMAĆCiapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary