«I ŭsio ž taki jon isnuje!» U siecivie «spalili», jak vyhladaje novy elektraharmonik MAZ, jakuju zavod trymaje ŭ sakrecie
Minski aŭtazavod trymaje intryhu nakont svajho novaha elektrobusa MAZ-305Je treciaha pakaleńnia až da aficyjnaj premjery. Navinku pakažuć upieršyniu na pieciarburhskim «TranspartFest» z 21 pa 23 maja.
Adnak zachavać tajamnicu nie atrymałasia. U internecie źjaviłasia videa, jak MAZ na fury viazuć u Rasiju. Karystalniki sacsietak paznali ŭ im doŭhačakanuju elektraharmošku.
«I ŭsio ž taki jon isnuje!!! Elektraharmoška ad MAZ», — u zachapleńni pišuć adny.
«Ničoha sabie, voś by ŭ nas chutčej ubačyć, čakajem na maršrutach u Minsku», — spadziajucca inšyja.
Praŭda, skieptyki sumniajucca: «Heta kruta, ale, jak ja razumieju, jašče hod budu katacca na 103 i 203».
«Dva hady tamu była karcinka-fotašop, jak 305‑y MAZ jeździć pa horadzie. Chutka budzie nie fotašop!»
Miž tym zavod apublikavaŭ u sacsietkach adno tolki tyzier svajho «harmonika» treciaha pakaleńnia — MAZ-305Je.
Zapas chodu biez padzaradki składzie 240 kiłamietraŭ — mienavita taki pakazčyk nazvaŭ hałoŭny kanstruktar MAZa Andrej Saŭčyc, kamientujučy raspracoŭku novaj madeli.
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»34
Kamientary