U padjeździe doma ŭ «Minsk-Śviecie» pačalisia «raskopki». Žychary nie razumiejuć, što heta naohuł takoje
Bolš za miesiac tamu ŭ padjeździe žyłoha doma pad nazvaj «Ńju-Jork» u «Minsk-Śviecie» pačałosia niešta dziŭnaje: to tut to tam u plitcy stali źjaŭlacca dzirki. Raskapanaja padłoha niby i nie dastaŭlaje vialikich funkcyjanalnych niazručnaściej, ale vyhladaje nieestetyčna. Plus žycharam niezrazumieła, navošta naohuł usio heta treba, piša Onliner.
Pra situacyju raspavioŭ žychar šmatpaviarchovika Alaksiej:
— U «Minsk-Śviecie» pa adrasie Biełhradskaja, 16, na pieršym paviersie ŭžo bolš za miesiac viaducca niezrazumiełyja raskopki. U damavym čacie ŭsio kipić. U absłuhovaj arhanizacyi kažuć, što zvarotaŭ mała było, tamu, mahčyma, i nie śpiašajucca zaviaršać usio heta biazładździe. Chaciełasia b zrazumieć, što adbyvajecca, što šukajuć.
Onlíner zaprasiŭ kamientaryj u absłuhovaj arhanizacyi «Chepi Płaniet».
Akazałasia, takoje biaźlitasnaje abychodžańnie ź plitkaj spatrebiłasia dla vyrašeńnia banalnaj prablemy — likvidacyi ciečy trubapravoda.
Namieśnik dyrektara pa jurydyčnych pytańniach Maćviej Rasolka patłumačyŭ:
— U miežach harantyjnych abaviazacielstvaŭ praviedzieny raboty pa likvidacyi ciečy trubapravoda sistemy aciapleńnia, jakaja prachodzić pad ściažkaj padłohi ŭ žyłym domie №16 pa vulicy Biełharadskaj, u suviazi z čym i ŭźnikła nieabchodnaść u źniaćci plitki dla vykanańnia hetych rabot. Ciapier robiać ściažku padłohi ŭ miescach uskryćcia.
U arhanizacyi ŭdakładnili, što zaviaršyć usie ramontna-adnaŭlenčyja raboty płanujecca da 30 maja.
Ciapier čytajuć
Łukašenka zajaviŭ pra hatoŭnaść pryjechać u Kijeŭ2
Kamientary
Darečy, adkul stereatyp, što ŭ Biełarusi "čyścieńka"? Mabyć tolki ŭ paraŭnańni z hłuchoj rasiejskaj pravincyjaj.