У пад’ездзе дома ў «Мінск-Свеце» пачаліся «раскопкі». Жыхары не разумеюць, што гэта наогул такое
Больш за месяц таму ў пад’ездзе жылога дома пад назвай «Нью-Ёрк» у «Мінск-Свеце» пачалося нешта дзіўнае: то тут то там у плітцы сталі з’яўляцца дзіркі. Раскапаная падлога нібы і не дастаўляе вялікіх функцыянальных нязручнасцей, але выглядае неэстэтычна. Плюс жыхарам незразумела, навошта наогул усё гэта трэба, піша Onliner.
Пра сітуацыю распавёў жыхар шматпавярховіка Аляксей:
— У «Мінск-Свеце» па адрасе Белградская, 16, на першым паверсе ўжо больш за месяц вядуцца незразумелыя раскопкі. У дамавым чаце ўсё кіпіць. У абслуговай арганізацыі кажуць, што зваротаў мала было, таму, магчыма, і не спяшаюцца завяршаць усё гэта бязладдзе. Хацелася б зразумець, што адбываецца, што шукаюць.
Onlíner запрасіў каментарый у абслуговай арганізацыі «Хэпі Планет».
Аказалася, такое бязлітаснае абыходжанне з пліткай спатрэбілася для вырашэння банальнай праблемы — ліквідацыі цечы трубаправода.
Намеснік дырэктара па юрыдычных пытаннях Мацвей Расолька патлумачыў:
— У межах гарантыйных абавязацельстваў праведзены работы па ліквідацыі цечы трубаправода сістэмы ацяплення, якая праходзіць пад сцяжкай падлогі ў жылым доме №16 па вуліцы Белгарадскай, у сувязі з чым і ўзнікла неабходнасць у зняцці пліткі для выканання гэтых работ. Цяпер робяць сцяжку падлогі ў месцах ускрыцця.
У арганізацыі ўдакладнілі, што завяршыць усе рамонтна-аднаўленчыя работы плануецца да 30 мая.
Каментары