17‑гадовага блогера Міхаіла Драгуна, які збіраў грошы для лячэння Вані Сцяцэнкі, будуць судзіць. А ягоную 37‑гадовую сяброўку — не
У Гродне будуць судзіць 17‑гадовага блогера Міхаіла Драгуна, якога абвінавачваюць у незаконным выкарыстанні грошай, сабраных на лячэнне 9‑гадовага Вані Сцяцэнкі, паведамляе БелТА. У канцы мінулага года гэта гісторыя набыла вялікі рэзананс.
Паводле матэрыялаў следства, 17‑гадовы юнак прапанаваў маці хворага 9‑гадовага хлопчыка дапамогу ў зборы сродкаў праз свой Instagram. Аднак калі грошы пачалі паступаць, ён вырашыў выкарыстоўваць іх уласных мэтах.
Для збору ён задзейнічаў некалькі SIM-карт і больш за 20 банкаўскіх рахункаў, якія яму далі знаёмыя і родныя. Таксама ён прыцягнуў да арганізацыі збору сваю 37‑гадовую сяброўку-блогерку Яўгенію Тарасенку. Раней яны затрымліваліся па гэтай справе разам, але цяпер сцвярджаецца, што жанчына не ведала пра сапраўдныя намеры юнака.
У выніку на ўсе рахункі паступіла больш за 2 мільёны рублёў. Аднак замест дапамогі дзіцяці значную частку гэтых грошай хлопец выдаткаваў на асабістыя патрэбы: дарагое жыллё, рэстараны, забавы, падарожжы і падарункі падпісчыкам для развіцця свайго акаўнта. На лячэнне хлопчыка была перададзена толькі невялікая частка сродкаў.
Акрамя гэтага, следства выявіла яшчэ адзін эпізод: блогер нібыта апублікаваў у сацсетках хлуслівую інфармацыю пра сваю знаёмую, абвінаваціўшы яе ў крадзяжы грошай. Так ён адпомсціў ёй за тое, што яна адмовілася перадаць яму доступ да сродкаў.
Па выніках расследавання Міхаілу Драгуну выставілі абвінавачанне па двух артыкулах Крымінальнага кодэкса: ч. 2 арт. 216 (прычыненне маёмаснай шкоды без прыкмет крадзяжу, учыненае шляхам атрымання маёмаснай выгады ў выніку падману і злоўжывання даверам, на вялікую суму) і арт. 188 (паклёп). Ён узяты пад варту, справа ўжо перададзена ў суд.
Пры гэтым крымінальны пераслед у дачыненні да Яўгеніі Тарасенкі спынілі, бо яе ўдзел у злачынстве не пацвердзіўся.
Збор для Вані Сцяцэнкі пасля закрылі грашыма з арыштаваных сродкаў блогераў. Пасля хлопчык праходзіў лячэнне ў Дубаі.
Хто тыя 17‑гадовы блогер і яго 37‑гадовая нявеста, якія шыкоўна жылі на мільён, скрадзены са збору на хворае дзіця?
Маці хлопчыка з Гродна, якому дапамагалі збіраць грошы затрыманыя блогеры: Яны перадалі нам 257 тысяч, для нас гэта велізарныя грошы
Сілавікі расказалі, як гродзенскія блогеры трацілі мільён, сабраны нібыта на лячэнне дзіцяці
Блогер з Гродна, якога абвінавацілі ў махлярстве на грашах для хворага дзіцяці, у інстаграме пракаментаваў сваю справу
17‑гадовы блогер, які шыкаваў на грошы са збору на хворае дзіця, зноў збіраецца разыгрываць айфоны
Сям’я Вані Сцяцэнкі, які праходзіў рэабілітацыю ў Дубаі, тэрмінова вярнулася дамоў
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1212
Каментары