Si Czińpin znoŭ admoviŭ Pucinu ŭ novym kantrakcie na rasijski haz

Zhodna z prajektam, jaki abmiarkoŭvajecca bolš za 10 hadoŭ i praduhledžvaje rost pastavak hazu ŭ KNR da 100 miljardaŭ kubamietraŭ za hod, zastalisia niaŭzhodnienyja «niuansy», paviedamiŭ pres-sakratar prezidenta Dźmitryj Piaskoŭ paśla pieramoŭ Pucina sa staršynioj KNR Si Czińpinam.

«Takija-siakija niuansy zastałosia dahavaryć», — skazaŭ Piaskoŭ, dadaŭšy, što ŭzhodnienyja «asnoŭnyja paramietry razumieńnia» i maršrut budučaj truby, ale pa-raniejšamu niama dakładnych damoŭlenaściaŭ pra terminy realizacyi prajekta.

«Dakładna pakul niama. Heta kamiercyjnaja infarmacyja ŭsio ž taki. Ale heta dastatkova vialikaje dasiahnieńnie», — cytuje Piaskova «Interfaks».

Z saboj u Piekin Pucin pryvioz šmatlikuju delehacyju, uklučajučy 5 vice-premjeraŭ, 8 ministraŭ i kiraŭnikoŭ najbujniejšych dziaržkampanij, u tym liku «Hazprama» i «Rasnafty». U chodzie vizitu jon kazaŭ pra «biaźmiežnyja pierśpiektyvy» rasijska-kitajskaha supracoŭnictva i abiacaŭ «bieśpierabojna» vyvozić u KNR naftu, vuhal i haz.

Pa vynikach pieramoŭ Maskva i Piekin padpisali 40 dakumientaŭ. Ale nivodzin ź ich nie zhadvaje ni «Siły Sibiry-2», ni supracoŭnictva ŭ naftahazavaj śfiery, vynikaje ź pieraliku, apublikavanaha Kramlom.

Kamieniem spatyknieńnia dla novaha hazapravoda, jaki adčajna patrebny «Hazpramu», što straciŭ jeŭrapiejski rynak, zastajecca cana hazu, raskazvała raniej znajomaja ź situacyjaj krynica Financial Times. Pavodle jaje danych, Kitaj patrabuje źnizić canu da ŭzroŭniu, blizkaha da ŭnutryrasijskaha. A heta kala $50 za tysiaču kubamietraŭ, što ŭ 5 razoŭ nižej, čym Piekin płacić zaraz ($258 za tysiaču kuboŭ), i ŭ 8,5 raza mienš za ceny «Hazprama» dla inšych klijentaŭ u dalokim zamiežžy ($420).

Akramia taho, Kitaj zaniepakojeny tym, što popyt na haz, mahčyma, dasiahnuŭ piku, i tamu sumniavajecca ŭ nieabchodnaści brać na siabie dadatkovyja abaviazacielstvy pa jaho kupli, kazała krynica FT.

Zaraz KNR kuplaje ŭ Rasii 38 miljardaŭ kubamietraŭ hazu štohod — i heta pałova ekspartu «Hazprama» ŭ dalokaje zamiežža, jaki trymajecca na ŭzroŭniach, blizkich da minimumaŭ z kanca 1980‑ch hadoŭ. Da kanca dziesiacihodździa ŭrad Rasii raźličvaje pavialičyć pastaŭki ŭ Kitaj na 47%, da 56 miljardaŭ kuboŭ za hod. Dadatkovy haz budzie pastupać pa dalokaŭschodnim maršrucie (12 miljardaŭ kubamietraŭ) i za košt pašyreńnia mahutnaści «Siły Sibiry-1» (6 miljardaŭ kuboŭ).

• 3
• 1
• 17
• 0
• 0
• 0
• 0
• 0