Były prezident Francyi, jakoha nazyvali samym niepapularnym kiraŭnikom dziaržavy ŭ historyi Piataj respubliki, dapuściŭ udzieł u prezidenckich vybarach 2027 hoda.
U 2017 hodzie jon pakidaŭ Jelisiejski pałac z rejtynham adabreńnia ŭsiaho 4%, ale ciapier znoŭ padaje sihnały pra viartańnie, piša Bild.
«Ja rychtujusia. Na prezidenckich vybarach na konie staić niešta vielizarnaje, histaryčnaha značeńnia. Dla Francyi, ale nie tolki dla Francyi», — skazaŭ Ałand časopisu Marianne.
Palityčnyja pierśpiektyvy Ałanda pakul vyhladajuć słabymi: pavodle apytańniaŭ, jaho padtrymlivajuć mienš za 10% vybarcaŭ.
Pry hetym pravaje Nacyjanalnaje abjadnańnie upeŭniena lidziruje: i Maryn Lo Pien, i kiraŭnik partyi Žardan Bardeła nabirajuć bolš za 30%. Pryčym mienavita pry Ałandzie krajnie pravyja kančatkova stali adnoj z hałoŭnych palityčnych sił Francyi.
Skiepsis jość navat unutry Sacyjalistyčnaj partyi, členam jakoj zastajecca Ałand. Adzin ź jaje pradstaŭnikoŭ ananimna zajaviŭ Marianne, što «nie vieryć u viartańnie Ałanda». Inšy pryznaŭ, što publična padtrymlivać byłoha prezidenta pa-raniejšamu niepapularna.
Sam Ałand robić staŭku na svoj hałoŭny arhumient — dośvied: piać hadoŭ u Jelisiejskim pałacy, mižnarodnyja samity i kiravańnie krainaj padčas kryzisaŭ.
-
Amierykanka zadušyła traich svaich dziaciej. Ciapier za sudom nad joj sočyć uvieś śviet, a niekatoryja žančyny stali ŭ jaje abaronu
-
Tramp choča, kab Pucin dapamoh jamu razbłakavać Armuzski praliŭ
-
Stan zdaroŭja 89‑hadovaha karala Narviehii rezka pahoršyŭsia, usia karaleŭskaja siamja sabrałasia ŭ špitali
Kamientary