Śledčy kamitet raskazaŭ padrabiaznaści, jak biełarus atrymaŭ ranieńnie na terytoryi Polščy
Jak paviedamiŭ aficyjny pradstaŭnik Śledčaha kamiteta Siarhiej Kabakovič, dziŭny vypadak ź nibyta stralaninaj polskimi palicyjantami pa hramadzianinie Biełarusi, adbyŭsia nie niedzie na pamiežžy, a na paŭdniovym zachadzie Polščy.
Pavodle viersii Śledčaha kamiteta, unočy 12 maja 60‑hadovy mužčyna, uradženiec Słonima, znachodziŭsia na terytoryi Polščy. Kali jon jechaŭ pa aŭtadarozie S8 kala horada Sycaŭ, što ŭ Nižniesilezskim vajavodstvie na jaho byŭ ździejśnieny, jak śćviardžajecca, nieabhruntavany napad z boku polskich siłavikoŭ z vykarystańniem ahniastrelnaj zbroi.
U vyniku mužčyna atrymaŭ ciažkija ranieńni hałavy i kaniečnaściaŭ. Jaho aŭtamabil taksama byŭ mocna paškodžany — u im zafiksavali 29 dzirak ad kul. Adnak ža, niahledziačy na hetyja ranieńni, jamu ŭdałosia pierasiačy miažu, paśla čaho jaho terminova dastavili ŭ balnicu.
Śledčyja orhany Biełarusi ciapier pravodziać pravierku. Pavodle ich infarmacyi, užo ŭdałosia adnavić abstaviny zdareńnia, vyznačyć miesca napadu i asobnych palicejskich, jakija stralali.
Dadatkovyja padrabiaznaści abiacajuć paviedamić paźniej.
«Pryhraziła pajści da inšaha». U MUS raskazali padrabiaznaści zabojstva 43‑hadovaj ciažarnaj žančyny chakiejnym arbitram20
«Pryhraziła pajści da inšaha». U MUS raskazali padrabiaznaści zabojstva 43‑hadovaj ciažarnaj žančyny chakiejnym arbitram
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary