Asudzili biełarusa, jaki zabiŭ rasijskaha sudździu, a paśla adrezaŭ jamu pienis i zasunuŭ u rot trupu
Ciapier Siarhieju Kibalnikavu ci siadzieć 22 hady, ci iści na vajnu va Ukrainu, na što jon užo vykazaŭ žadańnie, piša «Kommiersant».
Sud u rasijskaj Vałhahradskaj vobłaści pryznaŭ vinavatym pradprymalnika Siarhieja Kibalnikava ŭ žorstkim zabojstvie fiederalnaha sudździ Vasilija Viatłuhina ŭ horadzie Kamyšyn i vynies jamu pakarańnie — 22 hady kałonii strohaha režymu.
Zhodna z materyjałami spravy, zdareńnie adbyłosia ŭ žniŭni 2025 hoda kala budynka suda. Kibalnikaŭ vykarystaŭ pieraroblenuju strelbu i niekalki razoŭ streliŭ u sudździu, paraniŭšy jaho ŭ śpinu. Paśla hetaha jon dabivaŭ jaho nažom, a ŭrešcie adrezaŭ sudździ pałavy orhan i ŭvatknuŭ jamu nož u voka. Akramia hetaha, jon paškodziŭ aŭtamabil paciarpiełaha.
Sud pryznaŭ mužčynu vinavatym nie tolki ŭ zabojstvie, ździejśnienym z asablivaj žorstkaściu, ale i ŭ niezakonnym abarocie zbroi, pierarobcy ahniastrelnaj zbroi i naŭmysnym paškodžańni majomaści.
Śledstva ŭstanaviła, što asnoŭnym matyvam złačynstva była reŭnaść. Žonka abvinavačanaha pracavała sakratarom u tym ža sudzie, dzie słužyŭ zabity sudździa. Kibalnikaŭ padazravaŭ, što pamiž imi mahli być asabistyja adnosiny.
Pry hetym i Siarhiej Kibalnikaŭ, i jahonaja žonka pachodzili ź Biełarusi. Mužčyna, jakomu ciapier 48 hadoŭ, naradziŭsia ŭ Smarhoni. Paśla škoły jon pierajechaŭ u Rasiju i ŭžo ŭ pačatku 2000‑ch mieŭ rasijskaje hramadzianstva, a taksama adkryŭ tam indyvidualnaje pradpryjemstva.
Jaho žonka Alena Kibalnikava, jakoj ciapier 43 hady, rodam z Homiela. Jana pierajechała ŭ Rasiju paśla škoły i atrymała adukacyju ŭ Maskvie. Peŭny čas pracavała ŭ transpartnaj firmie muža. U apošnija hady jana pracavała sakratarkaj u tym ža sudzie, dzie słužyŭ zabity sudździa.
Pavodle danych śledčych orhanaŭ, raniej pamiž Kibalnikavam i sudździoj užo byli sudovyja pierasiačeńni: u 2019 hodzie Viatłuhin razhladaŭ hramadzianskuju spravu z udziełam pradprymalnika i vynies rašeńnie na jaho karyść.
Padčas sudovaha pracesu prakuror prasiŭ pryznačyć 23 hady pazbaŭleńnia voli, a abarona nastojvała na źmiakčeńni kvalifikacyi złačynstva i adpaviedna bolš miakkim pakarańni. Sudździa amal zadavoliła patrabavańnie prakurora, prysudziŭšy 22 hady.
Akramia pazbaŭleńnia voli, sud abaviazaŭ Siarhieja Kibalnikava vypłacić maralnuju kampiensacyju siamji zahinułaha, pakryć vydatki na pachavańnie i ramont aŭtamabila. Aprača taho, jamu prysudzili štraf u 120 tysiač rasijskich rubloŭ (kala 1600 dalaraŭ) i pryznačyli paŭtara hoda abmiežavańnia voli paśla vychadu z kałonii.
U čakańni prysudu Kibalnikaŭ zajaŭlaŭ pra namier padpisać kantrakt ź Ministerstvam abarony Rasii i adpravicca vajavać na front va Ukrainu.
Biełarus zabiŭ rasijskaha sudździu, a paśla adrezaŭ jamu pienis i zasunuŭ u rot trupu
Z-błohier «Vajavoda viaščaje» sa 170 tysiačami padpisčykaŭ paabiacaŭ skončyć žyćcio samahubstvam. Ale, zdajecca, vyžyŭ
U Rasii vyniesieny prysud pasynku viadomaha artysta — jon zabiŭ rodnuju babulu i brata
Siarhiej uziaŭ hrošy za kantrakt i pajšoŭ zdavacca ŭ pałon pry pieršaj mahčymaści. Pakručasty los biełarusa, jaki padpisaŭsia vajavać za Rasiju
Ciapier čytajuć
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary
Hety źjechaŭ u rasiju junakom. Daŭno zabyŭsia tyja Smurhoni. Naturalna - taksama pa-našamu nie razmaŭlaje. Navat pašpartu siniaha z kapustaj nie maje. Ale i jon u NN - biełarus! Binha! JAK??? Čamu? Što ŭ Smurhoniach naradziŭsia? Heta realna padstava zapisvać u biełarusy?
[Zredahavana]